Page 3 - DESPA
P. 3
DEPORTIVO NACIONAL A BATAYA TE FINAL
PA BAY CU E TRIUNFO
July 5, 2017 Admin Uncategorized Leave a comment
ORANJESTAD, Aruba – Minister di Salud Publico, Cuido di Nos Grandinan y
Deporte, Dr. Carlos “Alex” Schwengle a presencia e wega final di e campeonato
2016-2017 Division Honor. Minister Schwengle a duna pabien na ambos team cu
a hunga fuerte y tabata busca pa bay cu e triunfo cas. Deportivo Nacional a bay
cu e prome victoria, despues RCA a bay cu e victoria durante e di dos wega.
Aunke cu tur 2 team tabata bataya fuerte na final Deportivo Nacional a bay cu e
victoria di 3 wega, unda cu e hungadonan a cuminsa festeha desde stadion.
Despues cu e wega a termina na stadion Guillermo P. Trinidad, e celebracion a
continua na veld di Deportivo Nacional na Alto Vista. Aki Minister Schwengle a
topa cu dirigente, team y fanaticonan kendenan a celebra cu despues di 10 aña
e trofeo a bay Noord.
EVELYN WEVER-CROES: MEP LO TRECE
ALIVIO DEN CUIDO MEDICO
July 5, 2017 Admin Uncategorized Leave a comment
Recientemente, den rueda di prensa semanal di Partido MEP, Lider di MEP a
splica e vision di MEP pa cuido medico. Constantemente nos ta tende di casonan
di cuido di salud cu ta hopi malo. Famianan cu ta pasa caminda di cruz pa haya
diagnostico pa despues nan haya tratamento necesario. Recientemente, nos a
tende di e caso di un mucha chikito kende cu despues cu e mayornan a cana un
caminda di cruz, a bin resulta cu e mucha tin un malesa serio. Esaki ta un caso
cu a kibra curazon di e pueblo. Sra Wever-Croes ta bisa:
“Pa e motibo aki, mi no ta cansa di ripiti. Na Aruba, nos cuido di salud ta hopi
malo. Nos mester haci algo na esaki. Nos ta mira cuatro aña di Minister Visser cu
unicamente tawata kier a “show off” pa saca potret.
Despues nos tin cuatro aña di Minister Schwengle cu unicamente ta pleita cu tur
hende y kita profesionalnan pa asina pone su propio hendenan protegiendo asina
e mercado pe mes y pa su grupito. Minister Schwengle no kier pa dokternan cu a
studia den region bin studia na Aruba pasobra e mester protehe su puesto pa e
tin trabou despues cu e baha como minister. Pa e motibo aki e no kier
