Page 26 - KPA_Neat

Palo di luz a wordo kibra, altura di Wayaca Falls

1 min ago 0 0 Views

Wayaca – Diadomingo marduga algo pasa di 5’or polis ta bay dilanti Wayaca Falls, pa un palo di luz kibra.
Na yegada nan a constata cu esaki lo a wordo gedal door di un auto.
Aparentemente e lo tawata benta ariba caminda, pero na e patruya si yegada esaki lo no tawata e caso,
mirando cu kizas un automobilista lo a move for di ariba caminda pa evita cualkier accidente.

SUV ta bira na su man robes sin duna e Toyota
Yaris biniendo di direccion contrario preferencia

1 min ago 0 0 Views

Savaneta: Diadomingo den oranan di marduga un patruya di polis ta wordo manda na Savaneta, na e
crusada pabou di e Citgo Savaneta.
Na yegada polis a bin compronde cu un S.U.V. maneha pa un dama tabata biniendo di pabou y a bira na
su man robes pa bay direccion nort sin duna e Toyota Yaris cu tabata biniendo di pariba preferencia.
E impacto tabata fuerte cu hopi daño material, pero no tabata tin niun persona herida.

Chauffeur di un Pickup ta perde control y ta
drenta den e oficina di Inspeccion di Enseñanza

2 mins ago 0 0 Views

Schotlandstraat, Eagle: Diadomingo den oranan di marduga, polis ta wordo manda cu urgencia pa un
accident den Schotlandstraat, pa un auto cu lo a drenta e oficina di Inspeccion di Enseñanza.
Na yegada polis ta bin topa cu e chauffeur di un pickup shinishi Isuzu basta spanta y na e sitio nan ta bin
compronde cu e chauffeur lo tabata coriendo cu velocidad hopi halto y den e bocht ela perde control,
baha caminda y bay drenta cu su pickup den e edificio net riba e cashi coriente.
E chauffeur no tabata kier a haya niun tratamento medico di personal di ambulance, e daño material
tabata considerabel.

Boksmento cu hopi daño material entre un Kia
Picanto y un Mercedes Benz

1 min ago 0 0 Views

Primavera: Diadomingo den oranan di marduga ta sosode un boksmento dilanti un cas na Primavera,
mesora polis ta wordo manda na e adres aki.
Na yegada e patruya a bin compronde cu ta un chauffeur di un Kia Picanto lo mester tabata coriendo cu
velocidad halto y a perde control hala, bay dal contra un Mercedes Benz shinishi staciona canto di
caminda.
E impacto tabata fuerte cu e la pusha e Mercedes Benz mande dal contra un palo di lus y a kibra esaki,
no tabata tin heridos pero si hopi daño material.

Toyota a bolter ariba Sasaki

2 mins ago 0 0 Views

Sasaki – Diasabra atardi informacion a drenta cu un auto a bolter ariba Sasaki.
Sitio exacto no tawata mucho duidelijk na prome instante.
Despues informacion a drenta cu e sitio caminda e incidente a pasa ta unda nan lo bay construi un
rotonde nobo.
Polis ta haya un auto Toyota, cu kizas pa motibo di velocidad halto a perde control bolter, pa despues cay
bek ariba su cuatro wielnan.
Ambulance tambe a yega na e sitio, pa trata e chauffeur cu tawata keha di basta dolor.