Page 27 - KPA_Neat

Recherche a haci inval na un cas na Rooi Afo y ta
detene un persona

1 min ago 0 0 Views

Rooi Afo – Diasabra mainta den careda di 11:30 un team di recherche arma a haci un entrada hudicial na
e cas aki.
Por a ripara cu e persona cu nan tawata busca, ta scondi den e cas y no kier sali.
Loke tambe recherchenan a constata cu e homber aki tawata tin un machete den man y lo a menasanan
cu si nan drenta e lo kapnan.
E cas tawata rondona door di e agentenan, caminda nan tawata bise pa e sali, pero no tawata worry. Por
a wak e agentenan tur cu nan armanan reglamentario den nan man.
Despues di basta rato, a logra habri un porta y asina nan a drenta detene. Na salida por a wak cu e
sospechoso di inicial R.L a wordo carga, indicando cu e no tawata coopera cu e recherchenan.
R.L tawata geboei y nan mester a carge hinke den auto y a sali mes ora cune pa Frankrijkstraat. No ta
mucha cla kiko ta e delito cu ela comete cu e agentenan arma a baha pa detene. Recherche a confisca e
machete cu e tawata tin cune.

Accidente semi frontal dilanti Wayaca falls den
cual ambos chauffeur ta keda herida

3 mins ago 0 0 Views

Mahuma – Diasabra mainta algo prome cu 6’or polis ta wordo notifica di un accidente pariba di airport,
pues altura di Wayaca Falls.
Na yegada di polis nan ta wak cu ta trata di un accidente semi frontal.
Na prome instante a papia di un accidente basta serio, pero danki Dios cu esaki no tawata e caso.
Ambulance na nan yegada a transporta ambos chauffeur pa hospitaal.

Adictonan ambulante den Oranjestad ta keda un
molester pa comerciantenan den Caya Betico
Croes

1 min ago 0 0 Views

Caya G.F. Betico Croes – Diasabra marduga polis a bay den Caya Betico Croes, pa un kiebro cu a tuma
luga den un negoshi di drecha cellular.
Na yegada di polis nan a wordo informa cu, esun responsabel pa e kiebro lo ta un adicto.
Parse cu e lo a logra kibra e candal y asina hisa e rolluik, caminda cu e ta kibra e glas pa a bay paden. Un
security guard cu tawata cerca a yega mes ora, momento cu ela scucha e sonidonan.
Na su yegada e adicto a move di e sitio caba. Doño di e negoshi tambe a presenta, pero aparentemente
lo no a haya falta di nada, te na e momento nan ey.

Chauffeur bou influencia ta ocasiona boksmento y
ta keda deteni

1 min ago 0 0 Views

Wilhelminastraat – Diasabra marduga polis a bay Wilhelminastraat pa un boksmento. Na yegada polis a
wordo informa, cu e chauffeur cu a ocasiona e boksmento lo ta bou influencia.
Dilanti e restaurant situa den Wilhelminastraat, e chauffeur aki a bay na su man drechi y dal tras di un
Nissan Tiida staciona.
Polis a detene e chauffeur y a transporte pa warda.