Page 7 - flip min.jus

AWEMainta Dialuna, 23 Februari 2015 5

Bonaire
pronto tin un
prison nobo

KRALENDIJK -- Diabierne mainta tabatin un acto oficial n’e sitio

unda ta bay construí un prison nobo pa Bonaire.
Esaki ta situá na banda di Caminda Lagun ‘Plantashi Aruba’ pegá cu
L.V.V. Ora esaki ta cla lo muda tanto presonan como tambe parti di
e edificio. Carroll-Ann Bernabela tabata maestro di ceremonia y a
presentá e diferente personanan cu a hiba palabra n’e ocasion promé
cu a desvelá e bòrchi cu e pintura con e instituto, esta e prison nobo ta
bay keda construí.

E prison nobo ta ofrecé no ménos cu 125 kamber. Un prison nobo ta
necesario y mas ainda un bon prison ta importante, pasobra e malhechor
un dia tin cu bay bèk den comunidad y si e ta bon prepará e por sirbi
comunidad y keda riba e caminda corecto. Niun hende ta contento cu
ta bay traha un prison nobo, pero e ta parti di un comunidad y e ta un
necesidad. Loke mester haci ta di evitá pa hende mester yega asina leu
pa un òf otro motibo cu e mester drenta prison.

Tambe a hiba palabra Patricia Hassell, Director di JICN, kende a
mencioná e.o. cu pronto JICN lo muda for di den Playa. ”N’e sitio
nobo aki tin hopi mas tereno pa di e forma aki nos por brinda mucho
mas servicio n’e cliente, esta e preso, p’asina ora e por regresá den
comunidad e tin un futuro briyante su dilanti. Nos a traha duro pa por
a logra awe cu ta bay cuminsá construí e prison nobo. Mi ta gradicí tur
cu a colaborá pa nos a yega asina leu cu trabounan ta bay cuminsá y cu
pa final di 2016 nos por ta para dilanti di un prison nobo.”