Page 41 - flip min.on

Manera Prome Minister Mike Eman a priminti den su discurso di fin di aña, na 2015 ta
cuminsa instala panelnan solar na scolnan di Aruba. E proyecto aki ta sirbi dos obhetivo, e
prome ta pa cada scol baha su gastonan produciendo su mesun energia cu por uza tambe pa
haya airco pero tambe pa contribui na e trayecto di sostenibilidad total di pais Aruba.

Uzo di airco ta haya un importancia adicional teniendo na cuenta cu Gobierno ta introduciendo
e programa di Naschoolse Opvang, caminda hobennan lo haci uzo di facilidad di scol den
oranan di atardi tambe pa diferente actividad di caracter educativo, deportivo y cultural.
Binti di e ochenta scolnan na Aruba ya ta den condicion pa instala panelnan solar, segun
Premier Eman, y cu esey ta bay cuminsa di biaha. E mandatario a haci e anuncio aki diabierna
ultimo, durante e bishita cu el a haci na entrega di e di dos fase di e Parke Solar na Aeropuerto
Internacional Reina Beatrix.
E proyecto aki ehecuta pa compania Pfixx ta produci 3.6 MegaWatt di electricidad pa medio di
14 mil panel solar. Ademas di genera e cantidad di consumo di coriente pa 2.500 cas, e parke
solar tambe ta brinda sombra pa tur auto staciona na e parkeerplaats di aeropuerto. Den e
mesun contexto, Gabinete Mike Eman II kier aumenta e porcentahe di energia renobabel den e
sistema di coriente dor di pone panelnan solar riba tur dak di scol.
“Nos a caba di haya rapport di TNO hunto cu di DOW, WEB y Elmar. A inventarisa e 80
scolnan na Aruba di cual 20 ta cla pa haya panel solar. Otronan ainda lo mester modificacion of
refuerso y mantencion. Instalacion di panelnan solar na 20 scol ta trece nos na otro 3 pa 4
MegaWatt riba e 3.6 cu tin aki cu ta trece nos cerca di e 10% di e capacidad di Aruba,
puramente riba energia solar den e siguiente lunanan,” asina Prome Minister Mike Eman a
bisa.
Esaki ta otro paso cu sigur ta bay hala atencion di mundo pa e manera con Aruba tur dia ta
tuma un paso concreto den un vision cu hopi ta admira, pero ta puntra si ta realisabel. Nos isla
ta prueba tur dia cu si por.

Comentarionan (1)

Mustra/Kita comentarionan

Butchie
March 29, 2015
5 0 .1 8 2 .1 8 7 .9
Votes: -3

...

esaki ta un gobierno cu ta traha pa e Pueblo di Aruba , cu ta bin cu cosnan inovativo pa e Pueblo ,no manera e
partido den oposicion cu no ta contrubi cu nada cu solamente ta critica ariba tur cos cu ta bon pa e Pueblo, nan no tin
un vision di kiko ta bon. Manda hasi bochincha papia hopi sin bisa nada no ta judabo cu nada. Aki e gobierno ta
demostra cu un vision bunita cu ta demostra cu nan ta traha pa e Pueblo.Si bo tende e lider di Mep Evelyne Wever-
Croes y Xiomara papia ,

Aruba ta den un problema y miseria cu ta nan so por salba e Pueblo , pero nunca nan no ta bin of bisa con nan ta bai
salba Aruba di e cataclismo cu e Pueblo ta aden , segun nan pensamento . Pero e Pueblo di Aruba sa ta kende e
hendenan aki ta y lo dunanan un sopresa e proximo eleccion. :Lanta ariba mi Pueblo no bai tras di hendenan aki , nan
no tin nada bon di bisa bosonan, esta e Pueblo di Aruba.
E US HTTP://WWW.24ORA.COM/POLITICA-MAINMENU-18/93555-MINISTER-MIKE-EMAN-20-SCOL-TA-CLA-PA-HAYA-PANEL-
SOLAR-Y-PRODUCI-NAN-PROPIO-CORIENTE

Minister Winklaar: Sindicato SIMAR ta actuando uzando
informacion incorecto

Sunday, 29 March 2015 18:26