Page 43 - flip min.on

Den siman Sindicato di Maestro a ricibi e maestro di Scol Primario Kudawecha, esta Juf. S.Croes pa dun’e sosten cu
su caso. E persona en cuestion a ricibi un carta firma pa director di DPS esta Sr. W.Kock, notificando e maestro
entre otro riba un suspencion sin fecha defini. E carta no ta referi na ningun articulo di LMA. Segun version di Juf.
S.Croes el a ser invita durante orario di scol, cual segun inspeccion ta contra reglanan, pa un reunion cu Sr. W. Kock
y un representante di Minister Hooyboer-Winklaar. Durante dicho reunion e maestro a haya e oportunidad di scucha
un supuesto keho pero no a dun’e e oportunidad di trece su banda di e version dilanti. A bis’e cu un grabacion y
declaracion di padrastro di su alumno tabata suficiente pa nan. Algun dia despues e maestro a haya un yamada pa e
pasa busca un carta na DPS cual pa su sorpresa ta un carta cu ta suspende for su klas y di su funcion como
docente. SIMAR no ta basa su mes riba speculacion ni riba redo, sino mas bien ta atende su casonan basa riba
hecho, documentacion, investigacion y informacion concreto riba un base legal.

Pa loke ta casonan di alumnonan, tin procedura y hirargia pa atende esakinan. Ta cuminza cu atende cu maestro, ta
sigui cu cabesante y despues si ta necesario cu director of directiva di scol. Minister ya ta un paso hopi mas leu cu
hasta ta pidi pa atende cu su representantenan prome cu yega directamente na su persona.
Pa loke ta e empleado, esta e maestro, tin e mesun procedura. Banda di e hirargia, tin ley pa atende cu casonan
caminda ta dicidi di suspende un persona di su functcon/ responsabilidad diario.
SIMAR tin entendi cu prome cu esaki tabatin un combersacion entre e maestro, e cabezante y e mayornan y a papia
y a yega na un entendimiento mutuo cu a caba na disculpa di ambos banda y na un “handshake”. Tocante e
supuesto grabacion e cabayero a indica cu el a “delete” esaki pa buena marcha di tur cos. Porcierto e cabayero aki a
graba un conbersacion SIN DERECHO ALGUNO Y ALAVEZ SIN PERMISO di e personanan presente na esaki.
Esaki ta claramente un violacion riba drecho di privacidad a base di leynan internacional. Pa colmo a hiba esaki
DESPUES di e conbersacion directamente pa Minister Hooyboer-Winklaar, kende ta e persona encarga pa cuido di
interes general y no pa interes individual. Pues Minister Hooyboer-Winklaar na su turno a duna ordo na director di
DPS pa suspende e maestro en cuestion. Mester menciona cu e padrastro en cuestion varios biaha a menciona cu e
lo por haci uso di su contacto estrecho cu Minister si ta necesario, cual el a a demostra di a haci tambe.
SIMAR mientras tanto a busca informacion concreto cerca director di DPS pa saca afor ta riba ki base a suspende e
maestro. Resultado ta cu a basa nan mes riba e grabacion (ilegal) y un supuesto declaracion di e mayornan en
cuestion. Mientras tanto a resulta cu no tin NINGUN keho oficialmente entrega tampoco na DPS contra e maestro
aki. Loke mester remarca ta cu no ta existi niun file cu kehonan contra e maestro aki. Su file ta intachabel y contrario
na loke a ser treci dilanti y na un forma negativo , E TA UN MAESTRO EHEMPLAR, STIMA Y APRECIA.
E decision tuma di parti DPS, bou ordo di Minister, sin un procedura legal y coherente a trese un desunion den
enseñanza y comunidad. Esaki SIMAR ta lamenta y ta mustra un abuso di poder.
SIMAR ta haya cu Minister Hooyboer-Winklaar y director di DPS a faya barbaramente, ya cu no a haci e
investigacion necesario y corecto. Esaki sigur lo a encera tur informacion entorno e trayectoria di e scol, e
maestronan, y demas alumnonan pa e alumno y e padrastro en cuestion, cual a yega na e motibo pa tene un
combersacion cu e mayor.
Nos ta hopi preocupa pa e situacion cu ta reina na e scol si mira cu ta clas 6 y e muchanan ta preparando pa scol
avanza. E situacion tambe ta trece un sabor amargo den TEAM ya cu nan ta sinti cu nan trabou ta na peliger via
DPS y Minister Hooyboer-Winklaar.
Pa finaliza, SIMAR a manda un carta pa Minister Hooyboer-Winklaar cu peticion pa sinta na mesa lo mas pronto
posibel cu tur e personanan concerni y pa sanea e situacion amargo aki,

http://masnoticia.com/simar-ta-condena-cu-influencia-politico-a-conduci-na-suspencion-di-maestro/

SKOA: SKOA dispuesto pa sinta na mesa cu Minister di

Enseñanza

· Mar 27th, 2015
· Local, Splash