Page 17 - AWM 5APRIL,2016

AWEMainta Diamars, 05 April 2016 17

Dia 2 di april

Minister Paul Croes
a uni y celebra
“World Autism
Awareness Day”
hunto cu diferente
fundacion

PA MINISTER drs. Paul Croes loke cu ta primordial ora cu

atende cu e tema di Autismo, ta pa un y tur ta consciente y
compronde cu ta trata aki di personanan diferente, pero no
menos.
Esaki t’e razon tambe pakico nan mester keda envolucra mas
hopi posibel tambe den nos comunidad.
Riba e dia special aki, Minister drs. Paul Croes a bishita un expo
di pintura di un damita di 13 aña di edad, kende tin Autismo,
y cu ta expresa su talentonan por medio di pintura.

Un exposicion sumamente bunita y cu sin duda algun lo haya un
balor agrega den futuro mirando e gran talento cu Jocelyn tin.
Mirando e desaroyo di Jocelyn, e mensahe principal di Minister
ta: “Pa cada mayor y henter nos comunidad, ta consciente cu
mas tempran un mucha keda diagnostica cu Autismo, mas
ayudo, sosten y apoyo bo por haya pa cu esaki.
Esaki ta hustamente loke cu sra. Maureen Kelly, mama di
Jocelyn a haci y awe por mira e frutonan di dje.
Bo no mester tin berguensa di e condicion aki, mirando cu
personanan cu Autismo por haci hopi cos cu otro no por y di
cual bo mester ta orguyoso di dje.”

Durante e bishita placentero aki di Minister Paul Croes n’e Expo
di Jocelyn, el a ricibi tambe su propio cuadra pinta pa Jocelyn
cual sigur lo haya un espacio special serca e Minister.
Finalmente no ta keda nada otro di bisa cu respeta, no
discrimina y inclui personanan cu Autismo den nos desaroyo.