Page 23 - AWM 5APRIL,2016

AWEMainta Diamars, 05 April 2016 23

Conmemoracion
di Memoria y
Solidaridad cu
Victimanan di
Conflicto Arma

E ACTIVIDAD aki den cuadro di Conmemoracion di

Memoria y Solidaridad cu e victimanan di e Conflicto Arma
lo tuma lugar den sede di Consulado di Colombia na Aruba,
entre 8’or di mainta te cu 1’or di merdia. Y fo’i 3’or te cu
5’or atardi durante e dianan 7 y 8 di april awor. E sede
diplomatico di Colombia na Aruba ta situa den Julianastraat
4, tel. 583-7268.

Obhetivonan
E obhetivonan tras di e actividad aki t’esun di duna
informacion tocante e Ley 1448 y su aplicacion den exterior.
Tambe lo wordo atendi e declaracion di e poblacion cu a bira
victima di e conflicto arma na Colombia cu actualmente ta
bibando den exterior.
Igualmente lo wordo papia riba e beneficio di e ley 1448. Y pa
ultimo, nan lo wordo atendi, orienta y informa e victimanan
di e conflicto arma cu ta bibando afo di Colombia bou
coordinacion di Ministerio di Relacion Exterior pa medio di
nan Consuladonan.

E grupo meta di e convocatoria aki ta:
1. E Colombianonan den exterior cu ta considera su mes
victima di e conflicto arma di su pais.
2. Famianan di Colombianonan den exterior cu ta considera
su mes victima di e conflicto arma na Colombia.
3. Asociacionnan y lidernan di e sociedad civil.
4. Iglesia, ONG.