Page 25 - AWM 5APRIL,2016

AWEMainta Diamars, 05 April 2016 25

Dia 22 di april awor mundialmente ta
celebra Dia di Tera

Tur productor cu
tin producto fresco
lo haya un mesa
completamente
gratis

DIADOMINGO tabata e prome mercado di Santa Rosa p’e

aña aki. Directora sra. Natalie Maduro ta contento cu e bishita
di Minister Otmar Oduber, pero principalmente e anuncio cu
a keda haci na bienestar di tur e cunukeronan, esaki ta algo cu
sigur nan merece.
Actualmente a logra di kita e impuesto, pero awa tambe ta
un situacion cu no ta carga e cartera. Sinembargo Directora
di Santa Rosa ta contento cu Minister Otmar Oduber a hiba e
puntonan di e situacion di impuesto, awa y tereno den Conseho
di Minister p’asina e proceso por cuminsa cana.

Den e esfuerso aki por mira cu Minister Otmar Oduber ya caba a
logra uno unda a logra convence cu e ta necesario p’e impuesto
p’esnan cu ta den plantacion, cria y pesca. Ta necesario pa un
cunukero por sobrebibi.
Alabes mirando cu tin un permiso cu cada cunukero mester
cumpli cune ta pone cu Santa Rosa ta haya e datonan necesario
di e cunukeronan p’asina Santa Rosa por sigui planifica.
Tambe un otro aspecto cu ta importante mirando cu Santa
Rosa ta haya hopi turista cu ta pasa Santa Rosa y esaki ta pone
cu Aruba lo por cuminsa promociona su mes cu Aruba tin
productonan local.
Loke ta bunita cu semper Aruba ta conoci como un pais hopi
desaroya, pero e parti cultural y cu locual ta sector primario ta
trece ta algo hopi bunita y positivo y mester ta conoci tambe
entre nos bishitantenan.

Santa Rosa ta apoya tur productor local pasobra e empeño y
determinacion di cada uno a logra convence e Gobierno pa trece
e cambio di ley aki pa nan tur cu ta den e mundo di plantacion,
cria y pesca.
A tuma e oportunidad pa anuncia di biaha cu dia 22 di april
mundialmente ta celebra Dia di Tera. Directora di Santa Rosa
ta duna di conoce cu normalmente ta celebra esaki afo, pero e
aña aki a dicidi cu lo celebra e fecha aki na Aruba mes unda lo ta
bay tin un openhouse y na unda cu tur productor cu tin cualkier
producto fresco cu a cosecha durante e siman anterior, si nan
bin nan lo haya un mesa completamente gratis cu e posibilidad
cu nan por bende nan producto durante henter e dia.

Tambe Santa Rosa ta acercando varios orador p’asina durante e
dia lo por tin diferente charla cortico p’asina haya informacion
y esaki ta como parti tambe pa celebra e Dia di Tera.