Page 5 - AWM 5APRIL,2016

AWEMainta Diamars, 05 April 2016 5

“Despues di 5 aña di trabou duro, awe a cuminsa cu
bashamento di asfalt di e prome parti,” Marlon Croes
a bisa.
E prome 50 meter tabata un test, pero cu lo mester sigui
awe diamars, 5 di april, cu 500 meter di asfalt pa dia
te ora cu yega cruzada di Pos Chiquito.

Durante e conferencia di prensa mainta tempran n’e
sitio a splica cu e proyecto Green Corridor, ta uza un
otro tipo di asfalt cu normalmente ta wordo uza na
Aruba.
E ingenieronan di ODINSA a studia e situacion di
Aruba pa traha un mescla special di asfalt, cu ta duna
e caminda un duracion mas largo.
ODINSA ta ehecuta e caminda di Green Corridor y
ta responsabel pa su mantencion den e 18 añanan
despues cu e construccion finalisa.

Un aspecto cu Director di DOW a aclaria t’e asunto di
banchi riba e caretera nobo. Henter e proyecto a wordo
diseña dor di ingenieronan y exclusion di e banchi no
ta algo nobo na Aruba. Tin mas caretera cu a wordo
traha sin e banchi cu ta algo normal na Hulanda, Italia
y tambe Merca.
E caretera tin un acabado diferente na banda cu ta
forma parti di e diseño.
Grupo Odinsa via di su empresa Caribbean
Infrastructure Company- CIC, cu base na Aruba, ta
wordo representa pa Arkitecto Carlos Zubieta, kende a
gradici pa cooperacion di tur esnan cu ta haciendo un
gran esfuerso pa finalisa e proyecto na augustus 2017.
Tur cos ta canando na tempo.

Awor ta finalisando e prome fase y despues ta sigui cu
e parti di rehabilitacion di e camindanan existente for
di Pos Chiquito te San Nicolas.
E proyecto PPP aki ta ensera construccion y mantencion
di e caretera di Aeropuerto te na San Nicolas, mas o
menos 34 kilometer, cual ta ensera un inversion total
di 77 miyon dolar.
E ta ensera ampliacion di e caretera principal, di
Aeropuerto te na Pos Chiquito, pa uno di dobel via cada
banda (seis kilometer total).
E otro parti ta reconstruccion di e careteranan existente
entre Aeropuerto y San Nicolas, tambe esnan na banda.
N’e ceremonia di dialuna mainta tabata presente varios
miembro Parlamento di Aruba tambe.