Page 9 - AWM 5APRIL,2016

AWEMainta Diamars, 05 April 2016 9

MEP a bay Ministerio Publico

Otmar
Oduber
mester wordo
investiga

PARLAMENTARIONAN di MEP, mr.Xiomara Ruiz

Maduro, Dangui Oduber y Guilfred Besaril a acudi na
Ministerio Publico relaciona cu e papel cuestionabel
cu Minister Otmar Oduber a hunga den e asunto di
logo di Aruba y demas destaho na companianan liga
na su persona.
No solamente e informacionnan cu a wordo divulga
recientemente durante e conferencia di prensa di
Minister Otmar Oduber, sino mas bien e defensa cu e
Minister a duna, tabata pa nos motibo pa bay Ministerio
Publico.

E defensa di Minister a hinca e Minister den mas
problema ainda, pasobra e ta contradeci su mes cada
biaha mas.
Prome ta menciona cu un compania a gana e destaho
di e logo, despues ta bisa cu ta un otro.
Pa colmo, ningun di dos tabata existi na momento di e
destaho, ta con nan por a gana e destaho e ora?
Tambe tin e asunto di ken ta doño di e companianan:
Di Prome Minister, Otmar Oduber a bisa cu e tabata
doño, hunto cu e señora di su mihor amigo.
E otro compania ta di su mihor amigo, hunto cu
señora di e mihor amigo. Esaki ta indicacion directo
di conflicto di interes!

En bista di e hecho cu Ministerio Publico tin mas forma
na su disposicion pa investiga, MEP a urgi Ministerio
Publico pa investiga e caso aki. Pueblo di Aruba ta exigi
un investigacion p’asina yega na fondo di esaki.
Ministerio Publico a ricibi Parlamentarionan Xiomara
Ruiz-Maduro, Guilfred Besaril y Dangui Oduber y lo
traha riba e caso.

Casonan asina mester wordo denuncia, pasobra mester
bay un señal hopi cla na tur politico y especialmente
gobernantenan cu casonan asina no ta aceptabel.
Cu e paso aki Parlamentarionan di MEP a cumpli cu
tantisimo peticion di cuidadanonan di nos pais pa trese
e caso aki na atencion di Ministerio Publico.