Page 23 - AAA

8 AWEMainta Diahuebs, 03 September 2015

E di tres
edicion di
Wiki Loves
Monuments
Aruba 2015
a cuminsa!

E AÑA aki un biaha mas Stichting

Monumentenfonds Aruba ta organisa e
competencia di fotografia caminda nos
monumentonan ta central. Esaki t’e di tres
edicion y lo por participa entre 1 y 30 di
september.

E aña aki lo por upload e fotografianan via e
Facebook page di Stichting Monumentenfonds
Aruba y asina participa pa gana premionan
atractivo manera 1000.00 florin cash y tickets
nan pa Manaus y San Juan, cortesia di Insel Air.

E reglanann pa participa ta hopi simpel mester
ta un potret di un monumento di Aruba y e no
mester ta saca den e periodo di september.
E participantenan por ta 16 aña + y mester
t’e autor di e fotografia.

N’e momento di participa e participante ta
acepta di tuma distancia di su derecho como
autor y e potret lo por wordo usa libremente.
Despues di e competencia un hurado
consistiendo Jason Margarita, Damilice
Mansur, Pedro Diaz, Anne Witsenburg
y Mircla Nava lo evalua e fotografianan
participante y scoge e ganadornan.

Durante aña Stichting Monumentenfonds
a organisa diferente workshop di fotografia
caminda cu e particpantenan a siña tecnicanan
pa fotografia monumentonan.
E idea tras di esaki ta pa stimula e participacion
y subi e nivel y calidad di e fotografianan
participante.

E siguiente workshop lo ta dia 12 di september
y lo ta tocante editing di fotografia y lo ta
dirigi un biaha mas pa Jason Margarita.

Pa mas informacion tocante Wiki Loves
Monuments Aruba y inscripcion p’e workshop
di fotografia por tuma contacto cu Stichting
Monumentenfonds Aruba na 582-4014.