Page 24 - AAA

26 AWEMainta Diahuebs, 03 September 2015

Dos pasahero a gana pasashi pa Aruba

Aruba Airport Authority
y su partnernan a saca
GANADONAN di Buy2Fly

ARUBA Airport Authority N.V. (AAA) dialuna a saca e ganadornan

di e campaña pa turista y local cu a tuma lugar entre dia 1
di juni 2015 pa dia 31 di augustus 2015. Tabatin mas 10 mil
ticket entre clientenan di tur tienda y negoshi di cuminda
y bebida situa den Aeropuerto Internacional Reina Beatrix.
Ta pa prome biaha cu a organisa un tipo di campaña asina y
a program’e pa tuma lugar den e lunanan di vakantie grandi,
ora cu tin hopi pasahero local y internacional combina.
E regla principal tabata cu si un persona local gana, AAA ta
regal’e 2 pasashi p’e destinacion cu e tabata biahando dia cu el a
haci compra na Aeropuerto y si un turista gana, AAA ta regal’e 2
pasashi for di e destinacion cu el a bin pasa vakantie na Aruba.
Marc Figaroa, kende ta “Head of Commerce” na AAA a anuncia
como e ganadonan Yahaira Pinzon de Cicer di Caracas, Venezuela
y Kim Rinaldi di New York, N.Y. Tur dos a keda hopi soprendi
ora cu nan a ricibi e yamada cu e invitacion pa bolbe Aruba.
Di parti di Dufry, Manager Diomira Tromp a expresa cu e campaña
tabata exitoso y Dufry ta hopi contento tambe cu e hecho cu ta un
di nan clientenan a gana un pasashi pa bishita Aruba un biaha mas.
El a splica cu e campaña tabata un experiencia unico pa Dufry, como cu
nan no sa tin campañanan asina na Aeropuerto y e tabata un oportunidad
tambe p’e personal di e tiendanan interactua un poco mas cu clientenan.
Marc Figaroa a agrega cu AAA ta preparando caba pa un
siguiente campaña hunto cu nan partnernan Dufry Aruba, De
Wit & Van Dorp, Colombian Emeralds International, Kok Optica
y e outletnan di cuminda y bebida di One Happy Bar y AHI.
AAA ta gradici tur su partnernan p’e bon cooperacion y ta avisa tur
pasahero pa keda pendiente p’e siguiente campaña, cu lo tuma lugar
den e temporada di fin di aña.