Page 66 - MINON

lamentabel y mas cu tur cos hopi condenabel na momento cu un empleada publico

despues cu el a wordo mustra cu su comportacion durante periodo di AO no ta contribui

na su recuperacion, a haya necesario di bay bin bek cu su casa, kende tambe ta un

empleado publico, y asina agredi e dokter di control. E muher ta maestra di Scol y e

homber ta traha na CEA.

SVB ta lamenta esaki, pero mas cu tur cos, ta condena e tipo di comportacion agresivo

aki contra empleadonan di SVB y a base di esaki tambe ta tuma di banda di SVB e

medidanan mas fuerte cu nan tin contra e dos personanan aki.

Primeramente, dokter a entrega keho contra e agresor y durante dia ta saliendo un carta

pa tur dos, caminda cu ta prohibi nan entrada na SVB y prohibi nan pa bin control na

SVB. Mas leu, ta mandando un carta pa departamento di recurso humano di Gobierno,

informa nan di e sucedido y nan expectativa ta cu como bon doño di trabao, pais Aruba,

mediante e departamento di recurso humano, ta tuma medidanan disciplinario cu e

maximo castigo disciplinario cu por tin. Pasobra no por acepta cu personanan ta bay pia

di trabao pa haci nan trabao y pa motibo cu kisas no ta di acuerdo cu locual a wordo

menciona na e pashent, ta tuma e derecho den bo man pa agredi e dokter di control.

SVB no ta acepta esaki, no ta tolera esaki bao di ningun circunstancia.

Na mes momento Jacobs ta anuncia cu SVB ta bay implementa entrante e fecha di awe,

un maneho di 0 tolerancia pa loke ta trata comportacionnan di intimidacion y di

agresividad. Cu regularidad e dokternan ta wordo confronta, principalmente for di sector

publico, cu comportacionnan intimidante. Te na e momentonan aki, pa evita conflicto, e

dokternan tabata laga esaki pasa. Pero entrante awe tur comportacion y tur insinuacion

intimidante den direccion di un dokter di SVB, ta tuma paso contra di dje y ta haya un