Page 67 - MINON

advertencia. Despues di tres advertencia, lamentablemente SVB no ta permiti e persona

aki presenta mas na SVB pa control.

Ta yega un momento cu tin cu para e tipo di comportacionnan aki for di awo y pa

semper. Tin cu menciona cu tin un grupo di empleado publico cu constantemente tin un

actitud pa e dokternan, como si fuera cu e dokternan no tin e autoridad pa controla si

realmente nan ta AO, pero tin un actitud di mas bien drenta consultorio di e dokternan,

informa dokternan, cu nan ta AO y te ki dia nan ta AO.

Na momento cu dokter atende nan riba e actitud ey cu ta haya cierto comportacion di

intimidacion den direccion di e dokternan. SVB, te na e momento aki, dokternan tabata

hopi tolerante pa esaki, pero entrante awe, SVB ta implimenta un maneho di 0 tolerancia.

No ta acepta esaki, ta pone tambe na altura pais Aruba, como un doño di trabao y ta spera

cu como bon doño di trabao, pais Aruba tambe lo sa di atende empleadonan publico riba

e actitud aki. E absentismo laboral y notificacion di AO den sector publico ta hopi halto y

ta haya cu regularmente personanan cu tin frecuencianan hopi halto ta presenta y

principalmente nan tin e actitud aki di bin informa y bin impone locual segun nan, ta nan
pensamento riba e dokternan di control.

SVB no ta acepta esaki. Na mes momento, SVB ta fortifica e siguridad na nan salanan di

control y cu autoridad pa mantene ordo tur momento den e salanan na SVB. Jacobs ta

lamenta esaki profundamente, pasobra ta kere cu dokter di control y cliente, por sali afo

cu otro den un bon forma. Dokternan tey pa controla, pa asisti trahadonan, pa percura cu

ora nan ta apto pa traha, den ningun momento e dokternan no merece y no ta acepta
tampoco cu nan trato ta bay den e forma aki.

Agresividad ni verbal, ni fisico, intimidacion den ningun otro forma tampoco ta wordo

acepta. 0 tolerancia.