Page 79 - MIN TTC JULY 20 2015

Dangui Oduber: Crisis den turismo crucero

tin consecuencianan serio pa nos economia!

on: Monday, July 20, 2015In: PoliticaNo Comments
Print Email

For di aña 2014 turismo crucero ta den crisis. Aña 2014 a cera cu un caida y e aña aki no a habri
diferente.
Ora nos a pensa cu Otmar Oduber lo duna claridad riba e crisis di turismo crucero un vez mas el
a demostra su incapacidad pa maneha nos turismo. El a recuri pa bay ataca mi persona manera ta
custumber y asina desviando atencion for di e topico mes. E dinosauro politico no por a
argumenta y duna un splicacion amplio kico ta pasando cu nos turismo crucero cu ta den un
crisis hamas antes bisto. Acaso ora turismo crucero cay e ta algo positivo pa nos pais of nos
economia? Segun Otmar Oduber, ta cosnan negativo so mi lo ta trece dilanti. Loke mi ta trece
dilanti ta pa informa nos pueblo correctamente y cifranan no ta gaña. Nos no ta nada contento
con turismo ta wordo maneha y e resultadonan e aña aki no ta nada di gaba. Ta logico cu loke
nos ta trece dilanti no ta cai na agrado di Otmar Oduber pero e mester siña biba cu e berdad y
realidad y stop di mal informa y gaña nos pueblo. Nos ta sumamente preocupa cu e caida den nos
turismo crucero y tambe e trend nobo den nos turismo cu tur hende ja caba ta na altura di dje.
Awe cu tin caida den turismo crucero e kier papia cu lo tin algo pasando den turismo crucero
mundial. Loke ta straña nos ta cu tempo di MEP cu turismo crucero a cay tabata pa via di mal
maneho y pasobra Carnival Cruiselines a cancela nan callsnan pa Aruba. Awe na aña 2015
Carnival tey bek y e caida den turismo crucero ta mas drastico cu nunca. Nunca antes tabata tin
un aña asina malo den nos turismo crucero. Nos a spera toch di e dinosauro politico Otmar
Oduber cu e conoce su material y por splica na placa chikito kico ta pasando. E la demostra cu e
no por maneha nos turismo pasobra te awe e no por splica kico ta pasando cu turismo crucero
den aña 2015. Sea e no sa of e no kier informa pueblo kico ta pasando.
Pa e prome 6 lunanan di aña 2015 tabata tin un caida di 11.6% den cantidad di callsnan y di
15.8% den cantidad di pasahero crucero comparando esaki cu e prome 6 lunanan di aña 2014.