Page 80 - MIN TTC JULY 20 2015

Esaki a traduci su mes den un caida di 23 barco crucero menos durante e promer 6 lunanan di
aña 2015 y 58,893 pasahero crucero menos. Bo por imagina ki impacto e cifranan aki tin riba nos
economia. Un economia stagna, un pais bancarota, un Valero cera, un pueblo cu ta wordo castiga
cu medida y awor un turismo crucero den crisis. Un turista crucero ta gasta averahe pa dia $135,
teniendo cuenta cu esaki economia di Aruba a sufri un perdida 14 miyon florin durante e prome
6 lunanan di aña 2015. Esaki ta un sla duro pa esnan cu ta traha den e sector turistico. Economia
di Aruba tambe ta den crisis y e resultadonan di turismo crucero no ta yudando nos economia. Al
contrario, e resultadonan di e prome 6 lunanan ta devastador pa nos economia.
Ora Otmar Oduber ta papia di friends and family e mester wak bon kico e ta trece dilanti. Cu su
debido tempo henter e comunidad aki lo haya sa con Otmar Oduber a beneficia famia, amigo y
sponsornan di campaña. Ora argumento caba cu hende semper e tin cu bay ataca na e nivel cu
semper nos a conoce Otmar Oduber. Nos ta sigui vigila turismo crucero di cerca y lo sigui
informa comunidad di con turismo ta desaroya. Ta nos deber y obligacion pa mantene nos pueblo
informa cu e cifranan corecto!

http://masnoticia.com/dangui-oduber-crisis-den-turismo-crucero-tin-consecuencianan-serio-pa-
nos-economia/