Page 23 - MIN ON JULY 24

Proceso pa sigura hobennan sigui cu nan estudio avansa na
HAVO y VWO

Publication: Friday, 24 July 2015. Categoria: General

Presidente di Comision di Enseñansa di Parlamento

ORANJESTAD (AAN) Parlamentario Marlon Sneek,
kende ta Presidente di Comision di Enseñansa di Parlamento, a confirma cu tin un comision cual
Minister di Enseñansa a introduci a base di leynan existente, cu ta trahando duro pa logra cu
hobennan por sigui specialisa nan mes na nivel di HAVO y VWO pa asina sigui logra nan anhelo
pa un carera profesional avansa.
“Nos a atende diferente punto di contenido pa loke ta enseñansa, entre otro con ta pasa di un klas
pa otro, con ta pasa di un scol pa otro algun cosnan di detaye y manera tur hende sa, Gabinete
Mike Eman I y II a inverti hopi den e parti di infrastructura di enseñansa y scolnan y awor e
enfoke ta bay riba e parti di contenido.

Kico ta wordo brinda na e muchanan manera por a scucha e decisionnan riba e diploma di
Colegio Arubano, tanto HAVO y VWO caminda mester a haci adaptacionnan, vaknan mester a
bin acerca.

Nos por a mira cu a introduci un programa caminda e aña aki HAVO a haya un vak acerca y
proximo periodo escolar ta VWO lo haya un vak acerca y asina sucesivamente cumpli cu
exigencianan cu tin na Hulanda pa asina diploma di nos muchanan ta reconoci na Hulanda pa ora
cu nan caba cu nan estudio aki, nan por sigui studia na Hulanda.

Tambe nos por a mira otro desaroyonan riba cual tabatin hopi discusion tumando luga manera
entre otro schoolgeld, uniforma, e forma con ta admiti muchanan na scolnan, ta aspectonan di e
parti organisatorio, di contenido di enseñansa, y ta partinan cu na e momentonan aki nos a
mustra Minister di Enseñansa cu e tin tur sosten di Parlamento pa bin cu cambionan cu ta
necesario pa nos por garantisa cu un Minister di Enseñansa por hiba un maneho adecuado.