Page 24 - MIN ON JULY 24

Ta un discusion di añanan largo y no ta actualmente bou di gobernacion di Gabinete Mike Eman
I y II, pero di hopi tempo caba den ki forma tin cu hiba e maneho riba e tereno aki, paso como
Minister mi ta sigur cu e mandatario kier hiba un maneho di entre otro garantisa entre otro cupo
di scol pa muchanan y e posibilidad di por drenta den un otro scol pero nos ta mira cu cada bes
nos sistema di enseñansa ta cay bou di fundacionnan y fundacionnan ta esunnan cu ta buta nan
reglanan y ta e reglanan ey ta loke ta conta.

Dus Minister of Parlamento por papia hopi di loke nan kier mira of wordo realisa, pero ta e
reglanan cu tin eynan, ta loke ta conta y nos mester garantisa cu enseñansa ta accesibel pa tur
mucha y cu por tin oportunidadnan.

Antes bo ta haya cu tempo di John F Kennedy caminda tabatin tres trapi, cuminsando cu P-
stroom, un A stroom y un T-stroom y asina bo caba cu P-stroom bo ta bay pa A stroom y ora cu
caba cu esey bo ta pasa pa T stroom.

E por ehempel na na EPB bo no ta haya esaki mas caminda ora cu bo caba nivel 2 y bo no tin
cierto punto pa Engels, Nederlands y Wiskunde, nan no por stroom door y consecuentemente bo
ta bin haya muchanan di 16 y 17 aña na cas sin cu nan por sigui cu nan estudio.

Ta e tipo di problemanan aki nos tin cu bay atende awor pa garantisa continuidad cu e muchanan
aki no ta bay cas pa motibo cu enseñansa no ta brind’e un oportunidad.

Mescos nos ta haya muchanan cu tin un soño pa siña pa dokter of sigui studia pa cualkier otro
carera cu ta exigi cu nan mester tin un HAVO of VWO diploma den nan man, pero pa cosnan di
bida nan a bira loke nos ta yama late bloeiers, cu nan a yega pa caba nan estudio na un edad un
tiki mas avansa pa situacionnan di bida, pero e hecho cu tin un edad asina halto ora cu nan caba
MAVO y no por drenta HAVO, ta evita cu e hobennan aki sigui pa cumpli cu nan soño di bira un
dokter of otro carera cu tanto nan tabata desea.

Den pasado tabatin E-klas pero esaki a wordo kita y awor aki nos por mira cu cada bes e
exigencianan ta sigui subi y esey a base di ley cu ta brinda e Minister e posibilidad aki, a lanta un
Comision tanto di representantenan di MAVO y HAVO, pa por yega na normanan nobo cu cada
un di e profesionalnan aki, tanto esunnan cu ta traha cu e hobennan di MAVO y esunnan di
HAVO pa yega na un norma cu ta husto, cu ta algo di berdad ta brinda e hobennan un
oportunidad real pa por sigui cu nan estudio.

E Landsbesluit aki a sali caminda reglanan a wordo stipula con bo por yega y haya un cupo na
Colegio Arubano of Colegio pariba cu ta e dos scolnan cu tin e posibilidad aki pa studia pa un
HAVO y di parti di MAVO tur hende ta contento cu loke tin riba mesa y nos ta na altura cu
esunnan di HAVO no ta contento pero nos tin cu sigura cu hobennan tin oportunidad pa atende e
scolnan aki,” Parlamentario Marlon Sneek, Presidente di Comision di Enseñansa di Parlamento,
a declara.

http://www.diario.aw/2015/07/proceso-pa-sigura-hobennan-sigui-cu-nan-estudio-avansa-na-havo-y-
vwo/