Page 5 - UTILITIES JAN 29,2015
P. 5
2 AWEMainta Diahuebs, 29 Januari 2015
Manera anuncia
Grupo 7 a organisa manifestacion
ayera tardi na WEB Aruba N.V.
Demandando un politica transparente di tarifa di awa y coriente
AYERA tardi, Grupo di 7, manera nan a anuncia, a organisa
un manifestacion pacifico na entrada mayor di WEB Aruba
N.V.
Na porta, Grupo 7 a haci entrega di un manifesto, cu 3 punto
aden. Mirando cu WEB Aruba N.V., igualmente N.V. Elmar
ta companianan estatal di masha importancia p’e pueblo aki
sa mas di e maneho di tarifa.
Maske cu e Gobierno aki, ta promociona energia berde, te
ainda no a mira esaki manifesta den e tarifanan. Mientras cu
hopi consumidor a cambia nan sistema, manera a cumpra
airco cu inverter, a cambia nan luz pa led, pero parce cu nan
ta pagando mucho mas awor.
Mas ainda, cu net awor, prijs di crudo ta bahando, pero
pueblo consumidor no ta haya parti di e “bolo” aki.
Hopi Arubiano a haya nan mes den problema financiero pa
awe ta victima di un mal maneho di Gobierno di Mike Eman,
pero tambe di mal maneho di WEB Aruba N.V., N.V. Elmar,
Hunta Comisario di Utilities.
Cliente ta rey, pero esaki no ta valido p’e consumidornan.
Pesey Grupo di 7 ta demanda pa WEB Aruba N.V. trece un
cambio den maneho di tarifanan di awa y coriente.
Loke ta sorprende Grupo 7 mas ainda, cu ningun hende no
por haya mira e contrato pa cu hedging, cu lo a disparce
silenciosamente. Grupo 7 ta exigi pa haya esaki, y mand’e
pronto pa Parlamento, p’e wordo atendi.
Copia di e manifesto aki a bay pa Gabinete di Gobernador,
Presidente di Parlamento, Tweede Kamer na Hulanda, frac-
cionnan den Parlamento, Ministerio Publico, drs. Frank
Hoevertsz, Director di Utilitities, pa John Every di Hunta
Comisario y pa Robert Henriquez, Director di N.V. Elmar.
Mester remarca si, cu e grupo di manifestantenan no ta di e
grandi ey, manera hopi hende a spera.
Manera anuncia
Grupo 7 a organisa manifestacion
ayera tardi na WEB Aruba N.V.
Demandando un politica transparente di tarifa di awa y coriente
AYERA tardi, Grupo di 7, manera nan a anuncia, a organisa
un manifestacion pacifico na entrada mayor di WEB Aruba
N.V.
Na porta, Grupo 7 a haci entrega di un manifesto, cu 3 punto
aden. Mirando cu WEB Aruba N.V., igualmente N.V. Elmar
ta companianan estatal di masha importancia p’e pueblo aki
sa mas di e maneho di tarifa.
Maske cu e Gobierno aki, ta promociona energia berde, te
ainda no a mira esaki manifesta den e tarifanan. Mientras cu
hopi consumidor a cambia nan sistema, manera a cumpra
airco cu inverter, a cambia nan luz pa led, pero parce cu nan
ta pagando mucho mas awor.
Mas ainda, cu net awor, prijs di crudo ta bahando, pero
pueblo consumidor no ta haya parti di e “bolo” aki.
Hopi Arubiano a haya nan mes den problema financiero pa
awe ta victima di un mal maneho di Gobierno di Mike Eman,
pero tambe di mal maneho di WEB Aruba N.V., N.V. Elmar,
Hunta Comisario di Utilities.
Cliente ta rey, pero esaki no ta valido p’e consumidornan.
Pesey Grupo di 7 ta demanda pa WEB Aruba N.V. trece un
cambio den maneho di tarifanan di awa y coriente.
Loke ta sorprende Grupo 7 mas ainda, cu ningun hende no
por haya mira e contrato pa cu hedging, cu lo a disparce
silenciosamente. Grupo 7 ta exigi pa haya esaki, y mand’e
pronto pa Parlamento, p’e wordo atendi.
Copia di e manifesto aki a bay pa Gabinete di Gobernador,
Presidente di Parlamento, Tweede Kamer na Hulanda, frac-
cionnan den Parlamento, Ministerio Publico, drs. Frank
Hoevertsz, Director di Utilitities, pa John Every di Hunta
Comisario y pa Robert Henriquez, Director di N.V. Elmar.
Mester remarca si, cu e grupo di manifestantenan no ta di e
grandi ey, manera hopi hende a spera.
