Page 83 - MIN JUS

Segun cu tin di compronde, e acuerdo tabata cu nan lo wordo paga tres biaha 450, pa

cada caso cu nan sinta, pero aparentemente, esaki a wordo cambia 600-300-300. E

cambio aki, no a cay den bon tera cerca e abogadonan, cu e consecuencia ya conoci.

Nos a combersa cu abogado Hose Figaroa, kende a splica cu tabata tin un reunion dialuna

cu e abogadonan pa mira kico lo dicidi basa riba e ultimo sucesonan cu tabata tin den

henter e asunto aki di protesta. A indica caba den un ultimo reunion, a reuni cu formador

di gobierno siman pasa. Esey tabata pa splik’e e situacion y wak kico e bista ta eigenlijk

di e futuro gobiernacion pa loke ta e palabracion cu tabata tin entre partidonan.

Di parti di formador di gobierno a sinti toch cu e tabata positivo, den sentido cu el a bisa

cu den su opinion, cu acuerdo ta acuerdo y esey tin cu wordo cumpli. Despues di e

reunion eynan a haya un carta di parti di minister di Husticia, den cual el a indica cu e

landsbesluit cu a wordo saca anteriormente lo tabata basa riba algo otro. Tabata basa riba

saldo, cu esey lo wordo hala aden y cu na su luga, lo bin un landsbesluit nobo, den cua si

ta cumpli cu locual a wordo palabra, pa loke ta trata aña 2017, entrante 1 di Januari, pa 3

biaha 450 florin. Esey a wordo confirma di su parti. Mas despues a ricibi un email di parti

di e formador, den cual e tambe ta bisa cu manera cu a wordo palabra den e reunion cu

tabata tin cun’e, cu di su banda e lo pone e cumplimento di e acuerdo aki como prioridad
den e proximo gobernacion. A base di esey a topa bek cu e miembronan di orden di

abogado dialuna atardi y durante e reunion a dicidi cu, mirando cu mientras tanto

gobierno a cumpli cu loke ta trata e parti di 2017, of a confirma cu lo cumpli y mirando

cu tin un toezegging di parti di formador cu lo pone e cumplimento di 2018 como

prioridad, cu nan lo wanta e accion, lo pospone e accion, en todo caso, te dia 1 di Januari

2018, como cu e fecha aki cu e di dos aumento tin cu tuma luga, a dicidi pa wanta e

accionnan te cu e fecha eynan, pendiente pa e cumplimento. Si acaso cu prome di 1 di