Page 91 - MIN JUS

Ora cu haci’e lo kier haci’e bon y tambe ta bezig ta pensando riba e parti di logistica. Si

mira bon tin mas cu 74 mil plachi di number den circulacion, pa tur cliente bin den un

solo biaha busca nan plachi, ta evita rijnan largo. Ta pensando con pa bay distribui e

plachinan aki, una bes cu nan ta cla. Tambe kier haci un proyecto caminda cu e pueblo di

Aruba mes ta envolvi den e diseño, caminda cu e diseño por ta di nos mesun hendenan.

No ta full cla ainda cu e pensamento si ta scol ta bay participa of ta laga artistanan di

Aruba diseña algo pa e nummerplaatnan, pero ta pensa cu e por ta algo hopi great si nos
mesun hendenan, nos talentonan cu tin, por wordo uza y por wordo desplega riba e plachi

di number duradero.

Plannan cu ta canando

Esakinan ta plannan cu ta canando. El a nace di un idea cual a papia riba dje cu Minister

Bermudez. A warda un tiki cu ehecucion, mirando tambe cu lo mester a tene cuenta cu ta

un aña di eleccion, prome cu presenta e plannan concreto. Manera cu ta premira, pronto

lo pone esaki oficialmente riba papel.

Discusion riba gasolin

Luenne Gomez-Pieters a splica cu semper e intension ta hopi mas facil si belasting cu nos

ta paga di vehiculo di motor ta wordo opgenomen den accijns. Pero esey a trece algun

punto di atencion cun’e cu el a wordo para keto un rato, e concepto di ley eynan y tanten

cu no tin nada concreto, ta sigui cu loke ley ta bisa awo.

Con ta paga plachi di numbernan entrante 2018

E plachinan A, cu tur hende tin cu paga, ta wordo haci na fin di Januari. E ta bira den dos

pago, manera cu ley ta stipula y niet-A platen, manera TX, O, TR, lo mester paga e suma