Page 14 - AM201231

14 AWEMainta Diahuebs, 31 December 2020

Camp di windsurf organisa pa Sarah-Quita Offringa tabata uno exitoso

Bela yen ta nifica liher, rapidamente, tambe bala bala. Un total di
24 hoben tanto mucha homber y mucha muher a participa dividi
den dos camp di tres dia cada uno.
E entusiasmo , compañerismo cu deporte aquatico ta trece cu n’é
no a falta.

E prome grupo tabata consisti di regatistanan nobato desconoci
cu e deporte di windsurf unda por a distingui algun talento
natural y talentonan, motiva pa domina e deporte. Den e di dos
camp e regatistanan ya tabata costumbra cu e deporte y a refina
nan tecnica y resistencia.
P’e lidernan Sarah-Quita y Jordan e camp a bay satisfactorio
como cu e regatistanan a comporta di un manera ehemplar.
Nan a demostra di ta consciente di cuida nos medio ambiente
durante e limpesa cant’i laman.
E meta di e camp tabata pa hobennan local sera conoci cu
windsurfing, custumbra cu laman y experiencia diferente
actividad cant’i laman. Banda di windsurf tabatin diferente
actividad. E muchanan a subi hoby cat, nan a haci stand up
paddling, y a presencia tur e kitesurfer nan di serca.
Na mes momento a purba conscientisa nan tocante medio
ambiente pa medio di un beach clean up cu tabata hopi exitoso.
Camp Bela Yen a conta cu apoyo di sponsors local y kier duna
danki na: Arubiano, Aruba Aloë y Bula Surfshop pa cuida e
muchanan contra solo.
Finalmente masha danki na Aruba Active Vacations y
Windsurfing Aruba pa haci uso di nan localidad.
Nan apoyo sin mas a contribui na un camp di windsurf exitoso.