Page 29 - KPA 27 March'15

Algun dia pasa un señora cu a bira victima di ladronicia banda di misa di Playa a notifica polis.
Esnan cu a yama sea e señora of otro hende a menciona un tal Jo Jo cu ta esun cu a horta e
cadena core bai.
Ora e noticia aki a sali tin famia a reacciona mesora. Nan a reacciona cu nan razon tambe. Jo
Jo masha tempo no ta riba caya. Famia ta lamenta cu ta lanta falso testimonio contra hende. Pa
colmo e famia no ta haya corecto cu un educadora ta haci e tipo di expresion asina. Nan ta
spera cu asina ta aclarea e asunto aki pasobra Jo Jo ta bon bon na cas y ningun rato a ranca
cadena. E ta limpi di su problemanan y te hasta ta bishitando cas di Dios regualmente pa e
keda fuerte. E dia ey mes polis a core tur caminda en busca di Jo Jo pero dimes nan no a haye
pasobra e no ta riba caya. Aki por mira un foto di Jo Jo saca pa acompaña e articulo aki. Esaki
ta e Jo Jo sano

http://www.24ora.com/local-mainmenu-5/93456-jo-jo-ta-sano-y-no-a-ranca-cadena

Tension den Madiki atrobe diahuebs anochi scuchando
varios tiro

Thursday, 26 March 2015 22:12
Comparti

E CowBoy di Madiki ainda ta cana los parce. Diahuebs anochi ainda polisnan tabata den alerta
despues di entiero di Lalo Webb. Algo pasa di 9or a drenta informacion cu bisiñanan ta
yamando pasobra ta scuchando tiro.
Varios unidad di polis a wordo manda den e area di Brikstraat, United Dinner y Ex Las
Caleñas. Eybanda a drenta informacion cu alrededor di siete tiro a wordo scucha. Varios
unidad policial a yega na e sitio. Ora cu polis a yega a pasa den un di e cayanan menciona y a
topa cu bisiñanan tambe. Nan a splica polis cu nan a scucha varios tiro. Tin cu te hasta a bisa
polis cu nan a scucha cuater tiro sigur. Polis a keda move rond y a keda vigila e area pa cualkier
movecion sospechoso. Nan a baha te hasta pa asina aki aya busca contacto cu esnan den e area.
No a logra pone man riba esnan responsabel.