Page 7 - Min.Social

DIABIERNA 16 JANUARI 2015 DIARIO PAGINA 7

Minister Paul Croes na ocasion special;

Diesun inspector di labor a recibi nan Landsbesluit

ORANJESTAD (AAN): “Inspeccion di Labor ta keda un di e de-
partamentonan di mas importante pa control di nos leynan laboral.
Cambio di leynan ta importante, pero mas importante ta e control pa
e implementacion y cumplimento di esakinan”, tabata palabranan
di Minister di Labor drs. Paul Croes na ocasion di e otorgamento
di e landsbesluiten na cada uno di e inspectornan. Despues di aña
pasa diferente leynan a keda cambia na beneficio di trahadornan y
control riba esakinan ta crucial.

Arbeidsinspectie ta e instancia cu mester percura cu na momento
cu dunadornan di trabao no ta cumpli cu e derechonan di trahador,
por sanciona esaki. “Multanan por subi te cu un maximo di 250.000
Florin si constata falta di cumplimento cu leynan laboral.

Si constata cu tin mas cu un overtreding esaki por ta cumulativo.
Pesey ta importante pa tur hende ta na altura di e leynan, y con nan
mester worde implementa. Esaki tambe ta un tarea di e departa-
mento di Labor, pa informa comunidad corectamente riba cambio
di e leynan laboral”, Minister Croes a bisa.

Minister a gradici Inspectie pa e trabaonan importante cu nan a
haci durante e ultimo añanan y e tin sigur cu nan lo sigui garan-
tisa e respet pa e derecho di e trahador. “Cumplimento di leynan
lo significa cu e trahador ta sintie mas sigur ora ta salbaguardia su
derechonan. Un trahado felis ta un trahador cu lo ta mas productivo
finalmente”, Minister a conclui.