Page 13 - SOGA FLIP 1 AUG 2017

Firmamento a tuma lugar pa proyecto di
‘New Bed Tower’ di hospital cu a keda cla

ORANJESTAD (AAN): Diahuebs atardi a tuma lugar un conferencia di prensa den e parti di
edificio nobo di hospital yama New Bed Tower’.
E conferencia di prensa tabata pa celebra e hecho cu a completa e parti aki di e proyecto, pa cual
tabata tin un ‘ground breaking’ na 2014.
Durante e conferencia di prensa, presidente di Stichting Ontroerend Goed Aruba (SOGA) John
Hodgson a splica cu ora cu a firma pa cuminza cu e proyecto, esaki tabata pa dos fase, di cual e
prome tabata pa construccion di un ‘New Bed Tower’ y e di dos face ta pa renovacion di e
hospital existente.
“Awe nos ta aki pa celebra y pa para keto na e momento cu nos ta traspasa e Bed Tower nobo aki
na Gobierno di Aruba”, segun Hodgson.
Como cu e proyecto ta consisti di 3 contrato di acuerdo, diferente documento a wordo firma
Diahuebs, incluyendo tambe un acuerdo di lease.
E proyecto ta inclui un seccion di enfermeria, un seccion pediatrico incluyendo un departamento
neo-natal y tambe pa un departamento di emergencia.
Banda di esaki un departamento di ginecologia ta inclui y un planta nobo di energia, cu lo tuma
over tur necesidad di e hospital.
http://www.diario.aw/2017/07/firmamento-a-tuma-lugar-pa-proyecto-di-new-bed-tower-
di-hospital-cu-a-keda-cla/