Page 14 - SOGA FLIP 1 AUG 2017

Prome fase di hospital a keda entrega na
gobierno di Aruba

27 July, 2017
0

Durante un conferencia di prensa yama ariba e proyecto di hospital, Sr. John
Hodgson President di Stichting Onroerend Goed (SOGA) a splica riba e prome
fase cu ta ser entrega na hospital.

E proyecto aki a start na 2014, caminda a tuma luga e groundbreaking pa e
proyecto aki “Renovacion di Horacio Oduber Hospital”. Esaki tabata un momento
memorable. E tempo ey a firma e contract pa un proyecto cual lo a keda
ehecuta den dos fase. E prome fase lo ta e construccion di un cambernan nobo,
como tambe oficinanan nobo. E di dos fase ta e renovacion di e hospital
existente. Na momento di entrega, di e prome fase, Sr. Hodgson a para keto un
rato, na tur e stakeholdernan cu hunto mester a traha pa haci e proyecto aki
realidad. E proyecto ta consisti di tres acuerdo: e prome ta entre SOGA y e
contratisa OHL Arellano, e otro acuerdo ta e lease agreement entre SOGA y
gobierno, representa door di Minister dr. Alex Schwengle, y tambe e
representantenan di Land Aruba. Y Land Aruba lo pasa esaki pa SZA (Stichting
Ziekenhuis Aruba) como e usuarionan di e facilidadnan aki.