Page 79 - KPA 12JAN'15
P. 79
http://www.24ora.com/policial-mainmenu-8/90482-accidente-cu-herido-atrobe-banda-di-maria-college
Prome parada di carnaval a bay cu varios detencion y multa
Sunday, 11 January 2015 20:34
Comparti
Polis a avisa di antemano cu lo aplica e mesun maneho di “Faya bo Haya” durante tur e eventonan di
carnaval, cu lo inclui accionnan di listramento preventivo y multanan halto na momento di comete
infraccionnan durante eventonan carnavalesco.
E accion di e aña aki a percura pa dobel cantidad di detencion y tambe e suma total cu mester a paga na
multa.
Aña pasa, durante e mesun evento aki di Fakkel Optocht, Polis a detene mesun cantidad di sospechoso
compara cu aña 2013, esta 10 persona. E tempo ey a colecta un total di Afl 7.190,= ma multa, cu tabata
como tres bes mas hopi cu e aña anterior. Cu esey a imagina cu esunnan cu no por comporta nan mes
bon, lo tene mas cuenta durante eventonan di e aña aki.
Cu mas di 6 mil participante den 10 grupo di carnaval, e Fakkel Optocht a cuminsa exactamente 8:00pm
for di ex edificio di DOW den Paardenbaaistraat. Polis a percura pa un total di riba 130 Polis riba pia pa
guia e parada, mientras cu si conta tur e demas Polisnan trahando pafo di e evento, ta yega na mas o
menos 200 Polis trahando activamente pa brinda siguridad na nos comunidad.
Cuerpo Policial Aruba a haci uzo di varios departamento durante e prome parada di carnaval 61, manera
ta Polisnan uniforma di varios districto, pero tambe a uza departamentonan special manera Polisnan cu
ta atende cu cachonan K9, Mobiele Eenheid, Team di Aresto, Polisnan riba brommer pa atende cu trafico
y departamento di recherche tabata activo riba e ruta di e parada den cayanan di Oranjestad.