Page 80 - KPA 12JAN'15

Di acuerdo cu cifranan oficial, na tur a detene nos menos di 27 sospechoso durante e prome evento di
carnaval, di cual nan edad ta varia entre 17 pa 62 aña. Ningun di e detenidonan tabata den parada, pues
tur tabata den banda of a drenta causa problema den e parada. E multa mas abou tabata di Afl. 300,=
mientras cu esun mas halto ta di Afl. 2.300,=. Na tur Polis a cobra e suma di Afl. 15.450,= e aña aki
durante un solo evento carnavalesco.
E delitonan cometi ta varia entre posesion di droga, bringamento, posesion di arma den forma di cuchiu
y sker, buracheria publico, no sigui ordo di Polis, maltrato y strobamento di trabou di Polis.
Hunto cu Ministerio Publico, lo sigui aplica e mesun maneho aki durante tur e eventonan di carnaval.
Polis ta convenci cu no solamente e tin un bon resultado represivo pa evita escalacion di problema, pero
tambe preventivo. A nota cu den trafico tabatin menos incidente, probablemente pasobra
automobilistanan ta birando mas consciente di nan responsabilidad y di e chens grandi cu Polis lo gara
nan burachi tras di stuur y e consecuencianan cu esey lo tin pa nan.
Cuerpo Policial ta desea henter comunidad di Aruba feliz temporada di carnaval y pa tur hende por gosa
den forma sano. Ta corda tur ciudadano cu carnaval ta un temporada di alegria y ambiente, pero semper
y cuando manteniendo nos mes na norma, balornan y leynan vigente.

http://www.24ora.com/policial-mainmenu-8/90486-prome-parada-di-carnaval-a-bay-cu-varios-
detencion-y-multa

Homber ta agredi su bon amigo pafo di Café Capri

Monday, 12 January 2015 01:12
Comparti

A registra un caso di maltrato bastante grave den parkinglot di Café Capri na Tanki Leendert. El a pasa
net dilanti di e ATM machine. A pidi Polis cu urgencia na prome instante pa un hende herida.
Na yegada e ambulance tabata presente y tabata atendiendo cu e victima pa asina sali cune pa Hospital.
Dificilmente polis por a comunica cune pa haya detaye riba e caso. Papiando cu hendenan pafo no tabata
tin coperacion tampoco pa haya claridad riba e caso. Polisnan a mira si cu e victima tabata basta grave
herida cu sla fuerte na cara y hopi sanger rond di boca cu nanishi. Doño di e Cafe a yega na e sitio y duna
e coperacion necesario pa asina por yega na e agresor. Esaki a logra tambe. Poco poco a bin saca afo cu e
victima y e agresor ta amigo di otro. Nan tabata den e Cafe ta bebe pero a sali y e agresor a bai atende cu
su amigo cu lo a haya un discusion cu otro persona. Ora cu e tabata purba convence e amigo pa
nevermind e asunto aki e amigo cu tabata discuti a bira dal e otro un mokete fuerte den cara. E mokete a
pone cu el a bai vloer y den e proceso el a dal su cara cu cabez masha duro mes abou. Di eynan e situacion
tabata di tal indole cu e victima a cuminsa perde conocimento. E agresor a bai pero a keda den e area ta
bai bin. Algun hende cu conocenan y sa cu nan ta amigo a notifica polis finalmente y asina polis a pare y
detene cerca eybanda. E mester bai duna cuenta. Recherche a haci nan parti tambe y a mira imagennan
cu lo ta crucial den e caso aki danki na e bon coperacion cu esnan encarga cu e Cafe cu den e caso aki no
tin nada di haber cu loke a pasa den parkinglot. Departamento tecnico a presenta na e sitio tambe pa
reforza e recherchenan cu tabata investigando hunto cu polisnan di Playa.