Page 7 - Astec, 11 May 2015
P. 7
Reunion parlamento riba posibel
reapertura refineria
Posted on 05/10/2015 11:38 pm AST | Updated on 05/10/2015 11:45 pm AST
ORANJESTAD – Den un aparente intento pa compra di e refineria Valero, e conoci
persona Nelson English, -un tempo cu e compania Coastal/El Paso-, lo reuni dialuna
mainta tempran 8'or y mei cu e comision fiho di energia di parlamento. E reunion,
presidi pa Andin Bikker, lo trata e tema y posiblemente su plannan rond di e
intencion. Pa por a acomoda English, cu ta bin Aruba specialmente pa e reunion
aki, a hala e reunion di parlamento pa trata presupuesto di prome minister Mike
Eman y Angel Bermudez, te 11’or di dialuna mainta.
REUNION CU GREMIONAN
Mes un anochi, English lo tin un presentacion cu cierto gremionan na Surfside Marina. Y
diamars anochi, e tin un asina yama ‘town hall meeting’, programa na YMCA San
Nicolas, auspicia pa San Nicolas Business Association.
REFINERIA
Ta conoci cu for di momento cu e refineria a sera su porta, tabatin intento pa su
bendemento, pero te cu algun tempo pasa, esaki no a logra. Esey a conduci cu e refineria,
siguiendo su plan, a cuminsa haci tramite pa desmantela e propiedad y asina lague cla pa
entrega gobierno e tereno bek fin di e aña aki manera palabra.
REAPERTURA
No ta conoci con serio y concreto e plannan di English ta, ni si esaki ta algo cu enberdad
por nifica e reapertura di e refineria. Den curso di dia lo tin mas informacion riba e asunto
aki. Foto cortesia artdesignaruba.com
http://www.noticiacla.com/news/2910
