Page 14 - AM210203

14 AWEMainta Diaranson, 3 Februari 2021

Otro accidente di bromer, e biaha

aki tabata bromer cu autobus

DIALUNA anochi den careda di 10’or, a sosode un
otro accidente entre un bromer y un autobus. Esaki

a sosode net riba e caminda pazuid di e post di Am-

bulance situa na Wayaca Falls. Mesora Ambulance
a sali direccion e accidente.

Riba e bromer lo tabatin dos persona. Na yegada di

Polis, a topa cu un autobus color blanco pazuid di ca-

minda direccion pariba. Poco mas dilanti un bromer
benta y algun parti di bromer a keda gespart riba

caminda.

Por a mira un lastro di brake di e autobus, e impacto

tabata n’e banda robes dilanti di e autobus.
Un di e personanan por a mira a haya basta rasca na

lomba, pero tabata cana rond, mientras Paramedi-

conan cu a yega e sitio a trata e dama.

E rotonde di Aeropuerto a wordo sera p’asina facilita

trabou y alabes e seguridad di tanto Paramediconan
y Polis.

Agente di Trafico a tuma tur dato di e chauffeur di e
autobus y tabata haci’e diferente pregunta.

Na final Paramediconan no a haya tabata necesario

pa bay cu ningun persona pa Hospital, debi cu danki
Dios nan no a ricibi heridanan grave.