Page 27 - awem

AWEMainta Dialuna, 11 April 2016 27

Evelyn Wever-Croes:

“Pabien
Colegio

San
Antonio”

DIABIERNA ultimo a tuma lugar e

apertura oficial di Colegio San Antonio
completamente renoba. Alumno y
docentenan for di 2013 mester a muda
pa Dakota, den edifcionan cu no tabata
adecua, cual a hasta influencia e calidad
di enseñansa.
A tarda mas di tres aña prome cu nan por a
boble bek, pero awor porfin t’asina leu. Y e
edificio a keda sumamente bunita.

“Mi ta felicita Director di Colegio San
Antonio sr. Mario Tromp, y henter su
staf di docente, y tur alumno di Colegio
San Antonio cu nan edificio nobo y cu e
actividad inaugural masha impresionante.
Studiantenan por a demostra nan
talentonan den baile, musica, poesia, y
esun cu mas a captiva mi curason tabata
e klas cu a haci un presentacion den les di
geschiedenis, di Betico Croes dirigiendo su
mes na su pueblo. E presentacion ey tabata
masha impresionante.

E exposicionnan tambe tabata hopi
interesante cu potret di hendenan famoso
cu a bishita Colegio San Antonio, entre
nan lider honorario di nos partido sr. Nel
Oduber, Prome Minister di pais Aruba pa
4 biaha.
Mi a keda masha impresiona di e ‘team
spirit’ cu tin, y e dedicacion di tanto
docentenan como alumnonan. Pabien
Colegio San Antonio y pabien Santa Cruz”,
Evelyn Wever Croes a finalisa su mensahe.