Page 34 - HOSPITAAL

John Henriquez ta traha na Departamento di salud publico den e seccion di malesanan

contagioso y ta conta ken ta e personanan cu tin cu test pa HIV. Esnan cu tin cu haci test,

ta tur persona cu ta sexual activo, y no ta haci uzo di proteccion, nan ta esun cu mester

test. Hopi biaha ta haya personanan cu no kier haci’e.

Pakico?

Ta haya e parti di berguensa ta hunga un rol, cu e personanan aki, nan no kier bin na

Salubridad Publico y haci un test. Berdad nan no kier sa tampoco kico nan status ta. Pero

ta bon si pa haci e test y asina eynan sa kico bo status ta. Y si asina bo ta infecta cu HIV,

lo bo por bay cerca un dokter pa bo wordo trata e ora ey.

Unda bo por haci e test

E test bo por haci’e na dokter di cas. Tambe bo por haci e test na Salubridad Publico. Ta

un test anonimo. Ora cu bay eynan, cu haci e test, laboratorio of otro personanan no ta

haya sa cu bo a haci un test. Ta conserva tur dato anonimo. Tambe por haci e testnan riba
tur diabierna, na e Interne Praktijk na Shocohin. Un di e internistanan ta haci e test y

eynan mes bo por haya bo resultado pa bo sa bo status e ora eynan.