Page 10 - AM200520
P. 10
10 AWEMainta Diaranson, 20 Mei 2020
Tata kier a hinca yiu cu un
cuchiu pa motibo cu el a uza
un boter di azeta di e tata
DIALUNA algo despues di 6’or di atardi, presencia
di Polis a wordo pidi cu urgencia pa un problema
entre tata y un yiu cu a bay completamente for di
man na momento cu e tata a pasa man pa un cuchiu
y kier a hinca su propio yiu.
Na yegada enberdad Polis ta topa e yiu homber
pafo di e cas, e yiu homber tabata rabia y tabata
tira palabra p’e tata.
Polis a acerca e yiu y a puntr’e kico a pasa. E yiu,
kende tabata hopi furioso a conta Polis cu su tata a
saca cuchiu p’e y kier a hink’e.
Mesora Polis a bay den e cas y a bay papia cu e tata
pa tende su version. E tata a conta Polis cu el a bay
check pa un boter di azeta y e no por a haya esaki.
Mesora el a sospecha cu e yiu lo a pasa man p’e
boter di azeta y asina a surgi un discusion caminda
enberdad e tata a pasa man pa un cuchiu y kier a
hinca su yiu homber.
Na momento cu Polis tabata papiando cu e tata, e
yiu homber a cuminsa bira agresivo y a cuminsa
bringa cu Polis pafo di e cas.
Mesora e Polisnan n’e sitio a bay atende cu e
yiu homber, nan a mande vloer y despues cu
Polis a bisti’e boei, nan a pidi pa presencia di
transportwagen.
E yiu homber a keda deteni y transporta pa Warda
di Polis. Polis despues di a tuma tur dato di loke a
caba di sosode a bandona e sitio.
