Page 6 - flip min.vos

AWEMainta Dialuna, 9 Februari 2015 13

Un bon amigo di Nel O. Oduber
y tambe di Aruba

Carlos Enriquez
Cano Maggi a
keda asesina
ayera madruga

NOS a recibi e tristo noticia, cu e conocido comerciante,

inversionista na Aruba tambe, Carlos Enrique Caso Maggi a keda
asesina sanger frieu na Valencia.
Na Aruba e tin negoshi di Catepilar, cu el a habri algun aña pasa,
tempo cu Nel Oduber tabata Prome Minister di Aruba. Como
tal for di e tempo ey, e difunto tin un laso estrecho cu ex Prome
Minister.
Banda di Nel Oduber, Carlos Cano tin masha hopi otro bon amigo
na Aruba, unda via di su negoshi, a crea e grupo aki.
Informacion cu nos a haya ta bisa cu e tabata Presidente di
Asociacion di Aeroclub di Valencia. E keda asesina ayera madruga,
ora cu un grupo di anti-social a intercepta su SUV, cu intención di
kit’a for di dje. E tabatin su propio avioneta y constantemente e ta
bin Aruba, cu manera menciona, e tin su negoshi y hasta un cas.
Según autoridad policial, e crimen aki a keda registra después
di 1 or di madruga, ora cu e empresario tabata volviendo sucas,
después di a atende un reunión. Cano Maggi tin 53 aña y tabata
maneha su auto, un Terios color preto, na poco meter di centro
comercial Garibaldi, ora cu el a keda intercepta pe ladronnnan.
Cano Maggi tabata acompaña pa dos otro persona, kendenan
tambe a keda herida.
E victima a muri den un centro clínica priva na Valencia. Ta como
12 tiro e anti-socialnan a los riba e auto. Recherchenan di a acudi
n’e sitio, pa colecta evidencia cu lo por yuda na soluciona e caso
lamentable aki. E Recherchenan ta di opinión cu autornan di e
crimen aki, ta personanan cu a biba den un edificio den mesun
zona, y kendenan ta dedica na asalta hendenan den oranan di
anochi, sigur esnan cu ta cerca luznan di trafico.