Page 40 - MIN ARENDS

Gobierno y InselAir a yega na un acuerdo

Monday, 30 January 2017 20:13
Comparti

Gobierno di Corsou hunto cu accionistanan y gerencia di InselAir a pone forsanan hunto pa asina
garantisa e conexionnan aereo cu ta crucial pa Corsou.

cu esaki ta haci InselAir financieramente y operacionalmente salud y fuerte bek. Partidonan a firma un
acuerdo riba diabierna 27 di Januari 2017 caminda Gobierno bou di cierto siguransa y condicionnan ta
otorga un fiansa na InselAir. Ambos partido tin confiansa cu e acuerdo cu a firma, cu ta resultado di
combersacionnan sumamente intensivo, lo crea un bon base pa e meta cu kier alcansa.

Pa Gobierno ta di importancia cu e accesibilidad y conectividad di Corsou ta keda garantisa, caminda
siguridad ta na prome luga. Tambe economia, generacion di divisa y empleo na Corsou ta depende di un
alto grado di conexionnan aereo confiabel cu paisnan den nos vecindario.

Basa riba e acuerdo aki Gobierno di Corsou ta otorga un fiansa di 33 miyon florin, cu lo keda paga
conforme e ehecucion di un plan di stabilidad.

Como siguransa riba e fiansa, Gobierno ta obtene entre otro e derecho riba propriedat (na Hulandes
ëpandrechtí) y usufructo (derecho di haci uso y sacando e beneficionan, na Hulandes ëvruchtgebruikí) di
51% di accionnan den e companianan cu ta forma parti di InselAir. Cu esaki Gobierno ta obtene tur e
derechonan di un accionista regular sin bira doÒo di e compania.

Gobierno y e accionistanan actual di InselAir cada uno ta nombra dos comisario den e hunta di comisario
di InselAir. E di cincu comisario, cu alabes ta ocupa e puesto di Presidente Comisario, ta keda nombra
conhuntamente. E funcion di Presidente Comisario lo keda ocupa door di sr. dr. JosÈ Jardim,
economista y ex Minister di Finansas di Corsou. Su experticio financiero y experiencia gubernamental lo
duna un gran aporte pa e restructuracion di e compania.

Banda di esaki e partidonan a palabra cu e team di maneho lo keda fortifica cu dos director statutario,
conforme proposicion di Gobierno. Esakinan ta e presidente ehecutivo y e Chief Financial Offcier (CFO).
E presidente ehecutivo ta guia e team di maneho y ta representa InselAir.

Sr. Gilles Filiatreault a keda apunta como presidente ehecutivo. Sr. Filiatreault tin experiencia
internacional amplio den e industria di aviacion. Sr. Filiatreault tin experiencia practico den su pais di
origen, Canada y tambe na Merca, Central y Sur America, region di Caribe, Europa Oriental y West
Africa. Sr. Filiatreault a spesialisa den inicio y restructuracion di companianan di aviacion, tanto pa loke
ta trata transporte di pasahero y carga.

E team di maneho lo finalisa e plan di stabilidad pa fin di Februari 2017. E plan di stabilidad aki lo tin cu
mustra con InselAir por normalisa mas lihe posibel, resultando den un compania lucrativo. A base di e