Page 9 - AWEM 06-Mrt-2015

AWEMainta Diabierna, 6 Maart 2015 9

Evelyn Wever-Croes,
splicando motibo pa no
desmantela e refineria

“Nos kier alternativa, no medida”

LIDER di MEP, Evelyn Wever-Croes durante e programa semanal
“Aruba Merece Mihor” a splica cu nan como oposicion ta bay hiba

otro forma di oposicion.
Naturalmente lo keda critico riba Gobierno actual, y
lo sigi denuncia tur e abusonan di e Gobierno.
Sinembargo mey-mey di tur e turbulencianan cu e
medidanan ta ocasiona, MEP kier brinda e pueblo
alternativa. P’asina cada cuidadano por sobrebibi tur

e tempestad cu ta biniendo.
“Ta obvio cu e Gobierno aki ta bin cu un lista di medida, y pesey
nos mester busca alternativa. E unico alternativa n’e momento aki
ta re-apertura di e refineria. Dicon?
Re-apertura di e refineria lo crea empleo, especialmente riba
nivelnan mas halto, y si nos kier desaroya un ‘kennis economie’
nos mester por brinda e cuponan di empleo ey tambe; hotelnan
no por brinda esaki;
Re-apertura di refineria ta garantisa cu nos moneda no ta core
peliger mas, y lo fortifica reserva di nos divisas; un hotel no por
haci esaki;
Re-apertura di refineria ta pone nos economia crece cu 12%, nin-
gun hotel por haci esaki”, según Evelyn Wever-Croes.
Crecemento di nos economia cu 12% ta pone cu nos no mester di
e medidanan mas. Claro cu e prioridadnan di Gobierno mester
wordo cambia, mester bay bek na 7 Minister enbes di 9, mester
stop cu tanto biahamento, fiestamento, gasto di propaganda, etc.
Pero en todo caso, lo no mester mas di un solidariteitsbelasting!
Re-apertura di refineria ta diversifica nos economía, y ta kita e
peso cu tin actualmente riba e sector turístico. Tursimo so no por
sigi carga nos economía. Pesey MEP kier pa para e desmantelacion
awor, y permiti e negociacionnan cu ta andando n’e momento
aki, concretisa y realisa. Si nos desmantela awor, nos tin wel di
lubida. Nos kier alternativa, no medida, kico abo kier?, Evelyn
Wever-Croes a finalisa su argumentonan pakico mester stop cu
desmantelacion y ta kere den un re-apertura di Valero.

Reconstrucion di
Tuturutostraat na Ponton

DEPARTAMENTO di Obra Publico ta informa pueblo di Aruba

en general y specialmente nos automobilistanan, cu diabierna 6
di maart proximo lo cuminsa cu trabounan di reconstruccion di
Tuturutustraat, Ponton entre Caya Ernesto O. Petronia y Bonchi
Strena Straat.
E caminda lo ta sera di 8’or di mainta te cu 5’or di atardi. Rutanan
alternativo lo ta indica cu baricada, verkeershekken, tekstwagen y
borchinan di aviso. E trabounan tin un duracion di 4 dia.
Ta pidi tur automobilista, negoshi y otro usuarionan pa tene
cuenta cu e inconveniencianan cu lo por surgi pa cual nos ta pidi
nos disculpa.