Page 14 - KPA 28 AUG 2015

2 AWEMainta Diabierna, 28 Augustus 2015

Reunion a cuminsa cu varios turbulencia

Fanatico di MEP
a spuit Pepper
Spray den cara di
fanaticonan di AVP

DIAHUEBS mainta pafor di entrada p’e sala di

Parlamento a surgi un situacion caminda un fanatico di
MEP, a spuit cu Pepper Spray den cara di varios siguidor
di AVP.
Den prone instante no tabata sa ken a haci esaki, pero
via di camara di seguridad por a mira kende a comete
e acto aki.
A bin descubri cu tabata di un persona kende ta biba na
Hooiberg. Esnan herida mester a busca awa urgente pa
laba nan cara.
E Pepper Spray a afecta hopi hende, te mester a manda
nan Hospital pa haya asistencia medico. Sigur lo entrega
keho, y maske cu a ser haci mencion, cu un persona sigur
a keda deteni, esaki no a ser confirma.
Asina e reunion a sigui, cu varios schorsing, mirando
comportacion di tanto paden como pafo di Parlamento.
Polis tabata tur parti, pa por drenta den accion di
inmediato. Den oranan di atardi, di acuerdo cu
informacion cu a drenta nos redaccion, dado momento
un grupo di siguidor di MEP hunto cu algun lider
sindical, cueste loke cueste kier a drenta Parlamento.
Te hasta nan a kibra e porta y bentana di Parlamento.
E ora ey, Polis a ser mobilisa di tur skina pa bay mantene
ordo publico y a manda tur hende bay para otro banda
di caminda.
(Nota di Red. Lectornan por mira e video di e autor di a
usa e Pepper Spray, dor di “hit” riba e foto)