Page 16 - KPA 28 AUG 2015

AWEMainta Diabierna, 28 Augustus 2015 5

Homber ta
pone tent riba
caminda publico
sin cu el a haya
permiso p’esaki

POLIS a bay diarazon anochi pa 11.45, na altura di

Parlamento unda desconoci a pone un tent riba caminda
publico sin cu el a tin permiso p’esey.
Eynan tabatin un tent casi na entrada di Parlamento. No
tabatin ningun hende eynan ni den becindario.
Un rato despues e homber di nomber De Haseth, conoci
como miembro di Grupo 7 a bay serca Polis.
Polis a puntre si e ta responsabel p’e tent. El a admiti y
a bisa cu e tin permiso p’esey. El a duna Polis un papel
unda ta scirbi cu el a haci un peticion p’e pone e tent na
difirente sitio na Aruba pa colecta firma.
Polis a bise cu e papel ta un peticion y e no tin permit pa
pone e un tent riba caminda publico. Polis a dune un
ora p’e kita e tent, sino lo atende cune.
Despues di un ora Polis a bolbe bay n’e sitio y a mira cu
e tent ainda t’eynan.
De Haseth a haya boet pa pone cos riba caminda publico
sin permiso. Polis a confisca e tent y a hibe garashi di
Polis na Balashi. De Haseth a bisa cu el a haya permit di
Alto Comisario y tambe di Minister di Husticia pa pone
tent. Dor di Central esaki a keda controla, pero esey no
tabata e caso. Mas o menos 04.00 di madruga e tent a
wordo kita. De Haseth a bisa cu e ta bay Landsrecherche
y BIV, pa duna keho.