Page 10 - AVB FLIP 2 APRIL,2016
P. 10
HOME DEPORTE AUNKE CU A PERDE CONTRA ST. KITTS 2-0: NOS EKIPO NACIONAL DI
FUTBOL A BATAYA FUERTE RIBA TERENO
Aunke cu a perde contra St. Kitts 2-0: Nos ekipo
nacional di futbol a bataya fuerte riba tereno
on: April 01, 2016In: DeporteNo Comments
Print Email
Un multitud grandi a gosa di e wega entre Aruba y St. Kitts cu a tuma luga durante e weekend di
Pasco Grandi de Stadion Frans Figaroa, cu a termina 2-0 na fabor di St. Kitts. Por mira atras cu
Aruba a sa di hiba un gran bataya riba tereno y a sa di gana e respet di e hungadonan di e team
bishitante. Di biaha despues di e wega, tabata tin un rueda di prensa, caminda cu a duna varios
remarca pa loke ta e wega cu a tuma luga.
Rini Coolen, kende ta e headcoach di e ekipo di Aruba a comenta cu ta importante pa ta realistico y
pa mira e hechonan. A haci e trabao bon y sa con fuerte e contrincantenan tabata y tabata bisto cu
nan tabata e miho tres nan riba papel, cu hopi cualidad y balans.
A pesar di e biahamento y e cansancio, ta purba toch di crea e posibilidad y haci lo miho, aunke cu
e score tabata 2-0. Si tin cu bisa cu mester a crea mas, aunke cu e ekipo no tabata dje fresco ey. Si
e tabata un tiki desapunta cu e partido, pero ta keda toch hopi orguyoso cu e ekipo, di loke a wordo
haci durante e ultimo 2 simannan. Nan a siña hopi pa por hunga un wega compacto. E tabata dificil
