Page 9 - AVB FLIP 2 APRIL,2016

AVB: Nos ekipo nacional di futbol a bataya fuerte riba tereno

Thursday, 31 March 2016 19:05
Comparti

Un multitud grandi a gosa di e wega entre Aruba y St. Kitts cu a tuma luga durante e weekend di Pasco
Grandi de Stadion Frans Figaroa, cu a termina 2-0 na fabor di St. Kitts. Por mira atras cu Aruba a sa di
hiba un gran bataya riba tereno y a sa di gana e respet di e hungadonan di e team bishitante.

Di biaha despues di e wega, tabata tin un rueda di prensa, caminda cu a duna varios remarca pa loke ta e
wega cu a tuma luga.

Rini Coolen, kende ta e headcoach di e ekipo di Aruba a comenta cu ta importante pa ta realistico y pa
mira e hechonan. A haci e trabao bon y sa con fuerte e contrincantenan tabata y tabata bisto cu nan
tabata e miho tres nan riba papel, cu hopi cualidad y balans.

A pesar di e biahamento y e cansancio, ta purba toch di crea e posibilidad y haci lo miho, aunke cu e score
tabata 2-0. Si tin cu bisa cu mester a crea mas, aunke cu e ekipo no tabata dje fresco ey. Si e tabata un tiki
desapunta cu e partido, pero ta keda toch hopi orguyoso cu e ekipo, di loke a wordo haci durante e ultimo
2 simannan. Nan a siña hopi pa por hunga un wega compacto. E tabata dificil contra un miho
contrincante, pero toch ta duna perspectiva pa futuro y lo bay mira largo plazo bay riba un bon caminda y
pero tin cu forma pasonan pa esaki ta duidelijk.

Mientras tanto coach di St. Kitts, a comenta cu ta comprendibel cu Aruba tabata tin un wega ni 48 ora
prome y no tabata dje tanto fresco riba veld y tabata demostra di no ta mucho fisico cu e ekipo di st. Kitts.
Aunke, cu e coach a relata cu e wega tabata exactamente loke nan a spera. Pa tin un ekipo manera e tin,
cualkier ekipo por gana. No solamente pa bay e siguiente buelta, pero pa top e grupo. Tin un wega cu lo
bay tin e rival di mas importante cu ta Antigua y no mester subestima nan y kier gana e wega aki pa ta
riba top di e grupo, tambe ta un wega importante cu nan kier gana.

St. Kitts tin intencion pa bay pa e Gold Cup, pero ta tiki arogante pa papia di esey na e momentonan aki.
Pa e hungadonan mes, tabata un wega hopi interesante, caminda cu nan a sa di demostra nan habilidad,
aunke cu tabata un wega hopi preta. Maske cu nan a gana, toch nan a haya dificultad riba veld, mirando
cu e bala tabata bounce hopi. Si Aruba tabata tin un bon defensa y a sa di duna un bon combate. Un otro
hungado a menciona cu Aruba a duna un bon presentacion riba veld.

Awor aki e ekipo di St. Kitts ta preparando pa nan siguiente wega contra di Antigua, di cual, segun e
coach, ta uno cu lo ta hopi cera. Aruba sigur lo bay sigui haci su bon papel, ganando experiencia den man
di coach Coolen y pendiente pa e proximo weganan cu lo bay tin proximamente.