Page 4 - HOSPITAAL
P. 4
AWEMainta Diamars, 24 October 2017 3
Truck di Serlimar ta kentel y dal auto di
famia pega contra un otro truck di Serlimar
DIALUNA mainta, algo prome cu 12’or, polis
a haya diferente yamada di un accidente pisa na
altura di e crusada di Wendy’s na Cura Cabay.
Informacionnan tabata bisa cu tin truck di Serlimar
envolvi y un auto di famia.
Na yegada di polis, nan a constata cu
ta trata no di 1, pero di 2 truck di Serlimar.
Segun informacionnan cu a haya n’e sitio, un di e
trucknan di Serlimar biniendo di noord a subi e cru-
sada dal un auto di famia.
E truck a lastra e auto di famia mande contra un otro
truck di Serlimar cu tabata net eynan e momento ey.
Pues e auto di famia marca Hyundai a keda net mey
mey di e trucknan, caminda cu un di nan a keda wanta
ariba e truck. Si e esey no a sosode, e lo a cay ariba
e auto, un Hyundai Accent color blanco.
Den e auto di famia tabatin dos persona di
edad, y segun polis nan lo no ta dje grave ey.
Ambulansnan cu a yega n’e sitio a hiba e chauffeur pa
hospital, mientras e otro ambulans a keda atendiendo
e segundo ocupante.
Por bisa cu esnan den e auto di famia tabatin nan
angel wardador cuidando nan, pasobra si e otro truck
no lo tabata eynan e momento ey, algo sumamente
tragico lo a sosode.
