Page 2 - MIN TTC

Despues di bishita na gobernador cu carta di nuebe punto
Andin Bikker a invita Otmar Oduber pa lidera PDR

Wednesday, 24 February 2016 21:20
Comparti

E siman aki Andin Bikker a sali haci algun atake riba minister Otmar Oduber despues cu como
ciudadano el a solicita pa un tereno pa planta. Un tereno cu el a pidi mas cu un aña pasa mescos cu
cualkier otro persona. Un tereno cu te awe e no a haya.

Esaki ta algo cu a hala atencion di minister Otmar Oduber tambe. Parce cu diripente Otmar Oduber no ta
sirbi mas. E mandatario mes a confirma cu algun siman pasa e tabata e mihor minister di e gobierno
actual. Asina Andin Bikker mes a gaba durante su conferencia di prensa. Te hasta despues di e disputa cu
e gobierno unda a bay gobernador, propio Andin Bikker a manda mensahenan telefonico cu ainda Otmar
Oduber tin warda. Aki ta mensahenan pa por join PDR y hasta lidera e partido. No ta solamente Andin
pero satelitenan di Andin Bikker cu PDR tambe a busca manera di drenta e mandatario cu intencion di
convence pa join PDR y purba trece un desbalance den gobierno actual. E minister mes a confirma e
interes di PDR den su persona y hasta despues di wordo gaba como e mihor minister, ta core haci atake
riba un asunto di tereno. Minister Otmar Oduber a keda tog decepciona cu e actuacion di Andin Bikker
cu awor di no logra convence Otmar pa lidera PDR ta tuma un actitud negativo asina. Tur e mensahenan
di telefon ta warda segun e mandatario pa por prueba e interes di PDR den su persona.

http://www.24ora.com/politica-mainmenu-18/105668-despues-di-bishita-na-gobernador-cu-carta-di-
nuebe-punto-andin-bikker-a-invita-otmar-oduber-pa-lidera-pdr