Page 16 - MIN.ON FEB 24,2015

http://www.24ora.com/local-mainmenu-5/92128-interesante-encuentro-cu-studiantenan-na-
maastricht

Booshi Wever: UPP preocupa pa e situacion di nos
enseñansa

Monday, 23 February 2015 16:36
Comparti

E otro topico cu UPP kier a presenta na nos pueblo, ta e nivel di enseñansa y e estado fisico di e
edificionan. Na september 2014 minister Hooyboer a declara cu na januari 2015 lo cuminsa cu
renobacion di 9 scol na Aruba.
E minister "by the way" a pasa su colega Dowers y e presidente di parlamento un fastball, declarando
(24ora 29-9-2014) cu e tin apenas 8 luna cu e encargo di enseñansa, y cu e no por wordo teni responsabel
pa loke a pasa prome cu su tempo.
Den e declaracion di 29 di september 2014 e minister a bisa cu Colegio San Nicolas lo haña un
renobacion chikito.
Dia 12 di februari 2015 mayornan di e studiantenan na Colegio San Nicolas a “ bati bel” pa denuncia no
solamente e estado fisico di e edificio, pero tambe e nivel di enseñansa. E director di DPS, recientemente
apunta door di minister (atrobe sin un "open sollicitatie procedure"), miembro di partido Whitney Kock,
personalmente a bay investiga e situacion na Colegio, y a declara cu tin mas di un toilet funcionando, loke
den mi concepto ta un falta di respet pa e Mayornan. Awor aki e minister diripiente a lanta for di soño
atrobe y a declara dia 23 di februari cu renobacion lo cuminsa “otro siman”. No ta e minister aki cu a
“blof” di a bishita tur e scolnan na Aruba? Ta kiko e a waak anto?
Un otro aspecto di nos enseñansa cu ta hopi den publicidad, ta e nivel, inovacion y tambe e conducta di
nos hobennan na Aruba. Mi ta reitera loke ya caba a wordo menciona y discuti den e encuentronan
parlamentario (IPKO), cu ta e preocupacion pa cu e comportacion di nos hobennan. Un comision a
wordo instala cu representacion di e diferente parlamentonan di Reino pa atende e problematica aki y
ainda ta wardando riba e resultado, mientras na Aruba ta wordo denuncia cu tin hopi problema cu
hobennan na Aruba (Amigoe 19-2-2015) y cu e personanan cu ta atende cu adiccion ta man na cabes
(Amigoe 6-1-2015).