Page 17 - MIN.ON FEB 24,2015

Na e mes un momento ta drenta informacion di esnan cu si a sigui e caminda corecto y a finalisa nan scol
na Aruba y den exterior, no ta haña e oportunidad pa bin eherce nan funcion aki. Mi ta relata
declaracionnan haci door di entre otro un pareha hoben (longarts y pastrychef), pero tambe e hecho cu
AZV ta laga busca tres dokter di cas na Hulanda, mientras tin un grupo grandi di studiantenan local cu
no ta haña e oportunidad di sigui un estudio mas avansa pa por cubri e demanda.

Ta interesante tambe pa haci mencion di e resultado cu recientemente tambe a wordo publica, na unda
Avond-Havo ta indica cu tin masha hopi studiante ta keda sinta den nan prome aña, of ta stop por
completo cu e estudio. Igualmente interesante ta e declaracion haci tambe recientemente na Hulanda di e
conocido colaborador den servicio di e gobierno actual, esta sr. Willem Vermeend, cu ta indica cu ta
spera cu den e siguiente añanan 47% di e trabounan tradicional lo bay perdi pa semper, y cu p’esey
mester cuminsa adapta nos scolnan na un enseñansa na unda ta prepara nos studiantenan pa e siguiente
20 aña. E ta sugeri y conseha pa haci un esfuerso pa enfoca mas den tecnologia moderno. Esey lo ta e
futuro, y esnan cu cuminsa na tempo, lo tin e beneficio di por probecha di e cambionan aki.

UPP den su programa tambe a bisa cu ta esey ta caminda cu nos mester cana.

E minister Hooyboer mester cuminsa realisa cu e no ta e persona indica pa maneha nos enseñansa, y cu
hunga “mooi weer” manera e a bin ta haci desde cu e a wordo nombra como minister den gabinete Eman
I y II, no ta suficiente. A culpa SMOA pa e forma con a tuma e responsablidad di evita un desaster pa nos
studiantenan cu ta termina VWO y HAVO den e siguiente dos aña, pa despues bin resulta cu ta e minister
atrobe no tabata sa kiko ta pasa.

Y pa finalisa, e pregunta na e minister: "con a para cu e 8 miyon euro cu a haña di Union Europeo pa
mehoracion di nos enseñansa?"!!!

Comentarionan (1)

Mustra/Kita comentarionan

Randolf

February 23, 2015
2 0 1 .2 2 9 .1 1 4 .1 9 3

Votes: +2

...

UPP ta representa? One dead man show! Bay haci trabao comunitario pa tur loke bo a regala compania nan cu noa
produci nada pa Aruba pero gana placa sin ningun clase di garantia.

http://www.24ora.com/politica-mainmenu-18/92137-booshi-wever-upp-preocupa-pa-e-situacion-di-
nos-ensenansa