Page 23 - awem

AWEMainta Diaranson, 30 December 2015 23

CITRO a duna asistencia pa scapa
bida di 23 hende riba laman

WILLEMSTAD - E 23 person-

anan cu CITRO a rescatá riba Dia
di Nacemento di Niño Hesus mester
keda recordá e fecha aki pa resto di
nan bida, pasobra ta riba e fecha
aki nan a salba di un morto sigur
riba laman.
Diasabra pa 5’or di atardi CITRO a
ricibí alarma cu tin un boto cu 23
persona na bordo cu problema un
miya for di Oostpunt.
E boto tabatin problema cu su mo-
tor y p’e motibo ey si nan no a haña
yudansa, e boto por a bati kibra riba
kosta di Oostpunt.

E situacion aki tabata bastante
grave, weitando e cantidad di per-
sona na bordo y pa motibo cu nochi
tabata serca di sera.
Importante pa CITRO tabata pa sali
mas pronto posibel. Mesora CITRO
a bati alarma pa su tripulacion y
dentro di mei ora Dick Braakman
por a sali pa duna asistencia.
Tambe C-Rescue 1 a subi laman,
anticipando si e situacion por a bira
grave y mester a evacuá hende for
e boto den problema.

Ya pa 6’or Dick Braakman por a
weita e boto den problema. Danki
Dios ainda nan no tabata dje serca
ey di Oostpunt y e hendenan na
bordo no tabata den peliger inme-
diato.
CITRO a cuminsá prepará pa por a
tou e boto cu e 23 personanan na
bordo.
Biento tabata supla bastante duro
y nochi tabata serca di sera.
Na bordo di e boto den problema
nan tabata hopi contento cu asis-
tencia di CITRO y naturalmente
nan a tuma e riesgo di toumentu
pa nan cuenta.

Tur kos a cana hopi bon y pa 7.40or
Dick Braakman por a mara e boto
na haf di piscador na Caracasbaai.
Dick Braakman a tou e boto y
C-Rescue 1 tur momentu tabata
stand-by.