Page 25 - awem

AWEMainta Diaranson, 30 December 2015 25

DIAHUEBS 7 di januari venidero

den galeria PS20 na Apeldoorn lo por
brinda p’e aña nobo, combina cu pro-
mocion di e buki ‘Het geloof van Oranje’
(‘E religion di Oranjehuis’, cu subtitulo:
Libertad, Union, Tolerancia).

E buki, edita pa U2pi na Den Haag, ta
un cooperacion journalistico/artistico
entre escritora di Casa Real y periodis-
ta, Marianne Visser van Klaarwater y
Gustave Nouel, un di e pintornan mas
conoci di Hulanda Caribeño. Hunto
nan ta spera cu e buki extraordinario
aki, lo no tin solamente un funcion
puente entre e parti Caribeño y e parti
Europeo di nos Reino, pero cu e pensa-
mentonan lo promove tambe e buskeda
di harmonia y union, no obstante reli-
gion, rasa, sexo of nacionalidad.

Intencion ta pa promove ‘Het geloof
van Oranje’ na 2016 tambe na Aruba,
si tin suficiente interes. Na galeria
PS20 actualmente tin un exposicion
cu pintura di Gustave Nouel, inspira pa
e tema, maternidad. El a sigi henter e
proceso di embaraso di Zuleika Coffie,
actriz/modelo profesional y a refleha
esaki den 33 pintura. Vincula cu e
tema di maternidad, Marianne Visser
van Klaarwater di Haarlem lo duna un
lectura tocante ‘Maternidad den e cas
di Oranje-Nassau’. E lectura aki, lo ta e
actividad culminante, durante e brindis
pa aña nobo na galeria PS20.

Durante e programa multidisciplinario
tambe lo mustra un seleccion di e col-
eccion ‘Be Splendour’ di diseñadora
Monica L. Daleman di Hoogeveen. E
modelonan hoben y prometedor, Mile-
na Vis, André Sambo y Harald Pot, a
ser instrui p’e actriz/modelo Arubiano,
Zuleika Coffie biba na Amsterdam, du-
rante su embaraso reciente. Di e arte-
sana Margarita Gressman di Dordrecht
por admira joyas original traha di papel
den vitrinanan di PS20.

Despues di e presentacion total, tin e
posibilidad pa cumpra e buki, ‘E reli-
gion di Oranjehuis’ y laga firma esaki.
E exposicion ‘Maternidad’ di Gustave
Nouel por ser admira te 31 di januari
na Galeria PS20. Tur hende ta bon bini
diahuebs 7 di januari venidero for di
7’or di anochi na galeria PS20, Station-
straat 45A, na Apeldoorn.