Page 56 - KPA - JUNI 8,2015
P. 56
Ladronnan kier a pasa drive thru di Wendy's pa horta caha fuerte
marduga
Monday, 08 June 2015 09:36
Comparti
Den careda di 2:43 di marduga dialuna Polis a haya un yamada cu na Wendy's Tanki Leendert tin hende
ta horta . Na yegada di patruya e Patrol di Safecom a pasa controla rond y a bin ripara cu den Wendy's tin
movecion.
Ora e patrol a bay pasa rond a ripara cu cuater hoben tabata saliendo for di e bentana di drive thru. E
patrol a sali nan tras pero no a logra gara nan. Polis a yega na e sitio y e persona encarga tambe. A drenta
pa chek kiko por a pasa. Nan a purba kibra e caha fuerte cu pata di cabra y nan no a logra bay cu nada
pasobra a wordo descubri. Nan ta cuater hoben bisti full curpa y cara tapa cu a purba bay cu e caha fuerte
pero nan a fracasa. Polis a presenta na e sitio pa tuma declaracion. E key holder a bisa cu e guynan lo ta e
mesun di biaha pasa. Den e caha fuerte lo tabata tin un suma basta balente di benta di weekend cual
mester a wordo movi. Den futuro sigur e doñonan lo no laga sumanan asina mas den e localidad.
