Page 63 - KPA - JUNI 8,2015

Chofer Haitiano a haci maniobra cu auto
bruha entre brake cu trot y a bay drenta
misa cu auto

12 hora pasa , 7 di juni 2015 22:32
Seccion: incidente

Diadomingo anochi a drenta informe di un accidente cu hende herida ora cu un auto a drenta den
e misa di Haitianonan na Sbana Blanco, mesora a dirigi tanto polis como ambulans na e sitio. Na
yegada di e patruya a bin compronde cu un auto cu a bay sali for di banda di e misa cu a caba di
termina a haya problema cu e auto Suzuki Vitara A59964 cu e auto a bay di banda e chofer a
nota cu e tabata bayendo net riba un grupo di persona y a lock e stuur y a bay pa primi brake pero
e pia a bay primi e trot, esey a pone cu e auto a bay dal un di e pilarnan di e afdak dilanti e
portanan di e misa. Door di e impacto e pasahero sinta patras cu no tabata tin faha bisti a bay dal
su cabez na e rand di e porta di auto y a kap un parti di su frenta y banda di su wowo. Tanto e
chofer como e pasahero sinta dilanti na banda a core bay for di e sitio debi na e susto. Eybaonan
por a compronde cu e 2 personanan aki a huy for di e sitio debi cu nan no tin permiso. E victima
cu a keda tin mas di 5 aña na Aruba pero no tin carchi di A.Z.V. Na yegada di e ambulans nan a
atende e victima y a bay cun'e direccion hospital pa mas tratamiento y cosi.
Shortened link: http://awe24.com/22024