Page 67 - KPA - JUNI 8,2015

Na Saliña Cerca un jovencita a bay cu
scooter pa cumpra ijs y un chofer ta pasa dal
e y sigui core bay panort

13 hora pasa , 7 di juni 2015 21:56
Seccion: incidente

Diadomingo anochi a drenta informe cerca un oficial di e unidad K9 di polis cu un accidente cu
lo a sosode mas tempran pero a avisa polis ora e victima a ser interna di cuido intensivo na
hospital, mesora polis a busca forma pa haya mas informacion y a logra saca afor lo siguiente. Ta
asina cu e jovencita biba na Ruby a sali bay cu scooter pa cumpra un saco di ijs y ora e tabata
bay sali for di e supermercado un auto s.u.v. preto a pasa dal e y e vehiculo a lastre un pida riba
caminda, djey a sigui core bay direccion nort. Lagando e victima atras, e tata di e victima mes a
yega na e sitio y a transporta e victima pa hospital mientras a pidi un bisiña pa wanta e scooter
p'e y cu lo pasa busk'e e dia despues. Polis a inicia mesora cu un invetigacion, testigonan a
declara cu un auto s.u.v. preto of scur cu e numbernan A237xx pero e 2 ultimo cifranan ta
desconosi lo a pasa dal e scooter aki y a sigui bay direccion nort. Un patruya sali bay rondea den
e area y na Westpunt dilanti un cas a bin haya e Toyota Land Cruiser Prado blauw scur A23758
y a logra mira e rastronan di e accidente fresco na e banda robez abao dilanti. E patruya a primi e
bell na e cas, pita y hasta zona e sirena dilanti e cas pero ningun hende a bini afo. Mirando esaki
a solicita presencia di un takelwagen na e sitio y a confisca esaki. Na yegada di e takelwagen a
haak e vehiculo y a bay cun'e na warda di polis na Balashi.
Shortened link: http://awe24.com/22023